گال گلابی اور چہرہ چاند جیسا روشن صرف 20 منٹ میں.. ڈاکٹر بلقیس کا بتایا ہوا چقندر کا زبردست ماسک آپ بھی آزمائیں

"اس سے چہرہ چاند کی طرح چمکدار اور گال گلابی ہوجاتے ہیں۔ چہرے اور ہاتھ پاؤں سے داغ دھبے دور کرتا ہے، میل صاف کرتا ہے اور چہرے کو قدرتی گورا رنگ دیتا ہے"

یہ کہنا ہے ڈاکٹر بلقیس کا جو مشہور ہربلسٹ ہیں۔ اپنے نئے وی لاگ میں ڈاکٹر بلقیس نے رنگت نکھارنے اور چہرے کو گلابی گورا پن دینے کا انتہائی آسان اور سستا ماسک بنانے کا طریقہ بتایا ہے۔ آئیے ہم وہ آپ کو بھی بتاتے ہیں۔

ماسک بنانے کا طریقہ

ایک چقندر کا رس نکال لیں۔ اگر جوس نکالنے والی مشین نہیں تو تھوڑے سے پانی میں چقندر کو بلینڈ کر لیں اور چھان کر رس پیالے میں نکالیں۔ اس رس میں ایک چمچ خشک دودھ، ایک کھانے کا چمچ ایلوویرا جیل، ایک کھانے کا چمچ گاجر کا رس اور ایک کھانے کا چمچ شہد ملا کر ایک جان کر لیں۔

استعمال کا طریقہ

اس آمیزے کو چہرے، ہاتھ پاؤں یا جسم کے کسی بھی حصے پر لگائیں۔ چاہیں تو نہانے سے پہلے پورے جسم پر لگا کر 20 منٹ بعد پانی سے دھو لیں۔ یہ ماسک چہرے پر رات بھر بھی لگایا جاسکتا ہے۔ چہرہ دھونے کے بعد آپ فوری طور پر جلد میں گلابی نکھار دیکھیں گی۔ مستقل استعمال سے چہرے پر ناقابل یقین حد تک گلابی چمک پیدا ہوجائے گی۔