پہلے شوہر اور دوستوں کے ساتھ رات کو کلبز جاتی تھی.. بشریٰ انصاری نے جوانی کی یادیں شئیر کردیں

"70 کی دہائی میں کراچی بہت ماڈرن تھا. یہاں کلبز بھی تھے اور امن و امان تھا. اس وقت میں ہر وقت اسکرٹس اور جینز ہی پہنا کرتی تھی"

یہ کہنا ہے لیجنڈ اداکارہ بشریٰ انصاری کا جنھوں نے کچھ دن پہلے ایک نجی شو میں بطور مہمان شرکت کی اور ماضی کی خوبصورت یادیں شئیر کیں.

بشریٰ انصاری کا کہنا تھا کہ میں اپنے سابق شوہر اقبال انصاری ، ڈیڑھ سال کی بیٹی، بہروز سبزواری اور کچھ قریبی دوستوں کے ساتھ ساتھ رات کو کلبز میں جاتی تھی اور صبح کا ناشتہ بھی باہر کرتی تھی. اپنے شوہر کے ساتھ خوب گھومتی تھی اس وقت کوئی روک ٹوک نہیں ہوتی تھی. میں 70 فیصد گھریلو عورت تھی جبکہ 30 فیصد اداکارہ تھی. سرکاری ٹی وی پر زیادہ کام نہیں ہوتا تھا. میں نے شوبز انڈسٹری میں کام کے ساتھ ساتھ دونوں بیٹیوں کو پڑھایا. میں نے اپنی اولاد کو بہت وقت دیا ہے اور بہت دیکھ بھال کی ہے، اُن کی پرورش پرجوش انداز میں کی. میں ایک خود مختار عودت تھی. اُس زمانے میں بھی اپنے شوہر سے زیادہ کماتی تھی. مشکل وقت بھی دیکھا مگر مضبوط اعصاب کے ساتھ گزارا کیا. کام کے دوران ساتھی فنکار ہمیشہ بہن یا نہیں بھابی جیسا سلوک کرتے تھے اسی لیے کام کرتے ہوئے میں نےکبھی بھی غیر محفوظ محسوس نہیں کیا۔

بشریٰ انصاری کا کہنا تھا کہ جب بیٹیوں کی شادیاں کر لیں تو پہلے شوہر سے طلاق لے لی. دوسری شادی کا سوچا نہیں تھا لیکن جو اللہ کو منظور تھا ہوگیا.