عورت کا واحد مقصد مرد کی خوشی۔۔ بشریٰ انصاری کا زبردست طنز! ویڈیو میں ہنستے ہنستے کیا کچھ کہہ گئیں؟

Bushra Ansari Calls Out Old Songs Mentality

پاکستان کی ورسٹائل اور بے مثال فنکارہ بشریٰ انصاری ایک بار پھر سوشل میڈیا پر چھا گئی ہیں—لیکن اس بار نہ ڈرامہ، نہ کوئی شو— بلکہ ایک مزاحیہ، لیکن کڑوی سچائی سے لبریز ویڈیو کے ذریعے۔

انسٹاگرام پر اپلوڈ کی گئی اس تازہ ویڈیو میں، بشریٰ نے پرانے کلاسیکل گانوں کی دھنوں پر آواز کا جادو بھی جگایا اور ساتھ ہی ساتھ سماجی سوچ کا پوسٹ مارٹم بھی کر ڈالا۔

گانے گاتے گاتے جب وہ بولیں، "ہمارے وقت کے سارے گانے ایسے تھے جیسے عورت کی زندگی کا واحد مقصد مرد کی خوشی ہو۔"

یہ کہہ کر وہ ہنس پڑیں، لیکن اگلا جملہ سیدھا دل میں لگا۔۔ "بیٹیوں! سنورنا سیکھو، مگر اپنے لیے... کسی اور کے لیے نہیں!"

بس پھر کیا تھا، انٹرنیٹ پر ویڈیو وائرل ہوئی تو تبصروں کی بارش ہونے لگی۔

ایک صارف نے لکھا، آپ نے ہنسی ہنسی میں وہ بات کہہ دی جو بہتوں کو چیخ چیخ کر بھی سمجھ نہیں آتی۔

دوسری طرف، ایک خاتون فالوور نے تبصرہ کیا، ایسا کانٹنٹ ہر لڑکی کے ہوم پیج پر ہونا چاہیے۔

بشریٰ انصاری نے ایک بار پھر ثابت کر دیا کہ وہ صرف فنکارہ نہیں، سچ بولنے والی، مزاح میں آئینہ دکھانے والی آواز ہیں—جس کا ہر لفظ، ہر طنز، معاشرے کے چہرے پر پڑنے والا تماچہ بن جاتا ہے... اور وہ بھی مسکراتے ہوئے۔