کیا آپ جائفل کے اِن پوشیدہ راز سے واقف ہیں؟

جائفل کا استعمال خواتین تقریباً ہر کھانوں میں ہی استعمال کرتی ہیں۔ لیکن کیا آپ اس کے حیرت انگیز فوائد سے آشنا ہیں؟ جائفل میں وٹامن اے، وٹامن سی اور آئرن پایا جاتا ہے جو ہماری صحت کے لئے انتہائی مفید ہے۔ جائفل میں بڑی مقدار میں میگنیشیم بھی پایا جاتا ہے جس سے جسم کے مختلف درد کو کم کرنے میں مددگار ثابت ہوتے ہیں۔ جائفل کی تاثیر گرم اور طاقت بخشنے والی ہوتی ہے جبکہ اس کی خوشبو کافی تیز ہوتی ہے۔

فوائد
* معدے کے تمام مسائل جائفل کی چھوٹی خوراک سے حل ہو جاتے ہیں۔
* جوڑوں کے درد کے لئے جائفل کا استعمال بہترین ہے جبکہ یہ دماغی دباؤ کو بھی ختم کرتا ہے۔
* جائفل کھانے سے خون کی روانی بہتر ہوتی ہے۔
* نیند کے تمام مسائل جائفل کھانے سے ختم ہو جاتے ہیں۔
* اس کو درد کش دوا کے طور پر بھی استعمال کیا جاتا ہے۔
* جائفل کے تیل کو سرسوں کے تیل میں ملا کر جوڑوں کی پرانی سوزش پر مالش کرنے سے فائدہ حاصل ہوتا ہے جبکہ تھوڑا گرم کر کے لیپ کرنے سے سر میں درد، سر کا بھاری پن بھی دور ہو جاتا ہے۔
* قبض، گیس کے مسائل، معدے کے مروڑ اور السر میں بھی جائفل کا استعمال بہت مفید ہے۔
* جائفل جلد کی صحت کے لئے بہترین ہے۔ یہ جلد کو چمکدار اور ہموار بناتا ہے۔ اس کے پاؤڈر کو دودھ اور شہد میں ملا کر ماسک بنا کر جلد پر لگا کر استعمال کیا جا سکتا ہے۔

نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔
By Aqib Shahzad    |    In Health and Fitness   |    0 Comments    |    6462 Views    |    03 Jun 2020

Comments/Ask Question

Read Blog about کیا آپ جائفل کے اِن پوشیدہ راز سے واقف ہیں؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیا آپ جائفل کے اِن پوشیدہ راز سے واقف ہیں؟) and how to utilize other natural ingredients to cure diseases, easy recipes, and other information related to food from KFoods.