آڑو کے بیج اب پھینکیے نہیں ۔۔۔ ان کے فائدے جان کرآپ بھی حیران رہ جائیں گے

آڑو کے فوائد کے بارے میں تو سب ہی اچھی طرح جانتے ہیں اور اس کے بارے میں مختلف آرٹیکلزسے بھی معلومات ملتی رہتی ہیں لیکن اس کے بیج یا گٹھلی کے فوائد کے بارے میں شاید آپ نہیں جانتے ہوں گے کہ ان سے بھی کتنا فائدہ اٹھایا جا سکتا ہے۔ آڑو کھانے میں جتنا مزیدار ہے اتنا ہی مفید بھی ہے، اس کی خوبیاں بےشمار ہیں، یہ خون کی کمی کو دور کرنے کا بہترین ذریعہ ہے ، لیکن یہاں ہم آپ کو اس کی گٹھلی یا بیج کے فائدے بتائیں گے۔ آڑو کے بیجوں میں اینٹی آکسیڈنٹ خصوصیات پائی جاتی ہیں جو جسم کو کئی طرح کے مسائل سے نجات دلاتی ہیں۔

آڑو کے بیجوں سے فائدہ اٹھائیں:

1۔ آڑو کے بیجوں میں منرلز، پوٹاشئیم، وٹامنز،اور اینٹی آکسیڈنٹس خصوصیات موجود ہوتی ہیں۔ جس سے قوتِ مدافعت میں اضافہ ہوتا ہے۔ اورآپ کم بیمارہوتے ہیں۔
2۔ آڑو کے بیج سکھا کران کا پاؤڈربنا کر رکھ لیں، اسے مختلف بیماریوں میں استعمال کیا جاسکتا ہے ۔ خواتین کے ماہانہ ایام میں درد کو کم کرنے کے لئے یہ فائدہ مند سمجھا جاتا ہے۔
3۔ آڑو کے بیج وزن کم کرنے میں بھی مفید سمجھے جاتے ہیں۔ اس کے بیجوں کا پاؤڈرکھانے سے وزن کنٹرول میں رہتا ہے۔
4۔ آڑو کے بیجوں کا تیل کان کے درد کی صورت میں کان میں ڈالیں تو اس سے فوری آرام مل جاتا ہے۔۔
5۔ آڑو کے بیجوں کا پاؤڈر جلد کے مسائل حل کرنے میں بھی کام آتا ہے، جلد پہ ایکنی، پمپلز، داغ دھبوں کی صورت میں جلد کے بہت سے مسائل آڑو کے بیجوں سے حل کیے جاسکتے ہیں۔ آڑو کے بیجوں کا تیل جلد پر لگانے سے بھی جلد خوبصورت ہوتی ہے۔
6۔ آڑو کا استعمال آنکھوں کے لئے فائدہ مند ہے ، لیکن آڑو کے بیجوں کا پاؤڈر ریٹینا کو صحت مند رکھتا ہے۔ اس میں بیٹا کیروٹین ہوتا ہے جوکہ آنکھوں کے لئے بہترین ہے۔
7۔آڑو کے بیجوں کے استعمال کینسرکے خلیوں کو افزائش سے روکتا ہے۔ اس میں بھرپور مقدار میں اینٹی آکسیڈنٹس موجود ہوتے ہیں ، جوکہ فری ریڈیکلز کا خاتمہ کرتا ہے۔

نوٹ:

آڑو کے بیجوں کے استعمال سے پہلے اپنے معالج سے مشورہ ضرور کر لیں۔