رات بھر بھگو کر اس کے دانے چبالیں۔۔۔میتھی دانہ کے آزمائے ہوئے فوائد

قدرت کے بیش بہا خزانوں میں سے ایک ہے میتھی دانہ۔۔۔ یہ ایک ننھا سا بیج ہے لیکن اس میں آئرن، وٹامن اے ، بی اور سی شامل ہیں۔۔ کیونکہ اس کی تاثیر گرم ہوتی ہے اس لئے اسے حاملہ خواتین کو کھلانے سے منع کرتے ہیں لیکن اگر خواتین کو ماہواری کھل کر نا آتی ہو تو اس کا استعمال کسی نعمت سے کم نہیں۔۔۔

ایک طویل عرصہ سے اسے ذیابطیس کے مریضوں کی دوا ہی مانا جاتا ہے۔۔۔کیونکہ یہ خون میں سے شوگر کی مقدار کو کم کرتی ہے اور جسم میں اس کا توازن قائم رکھتی ہے۔۔۔

میتھی دانہ پیٹ کم کرنے کے لئے بھی بہت مفید ہے۔۔۔رات بھر اسے پانی میں بھگو کر رکھیں اور پھر صبح نہار منہ اس کو پانی سمیت پی لیں اور چبا لیں۔۔۔ ایک مہینہ میں ہی پیٹ کا سائز کم ہونا شروع ہوجائے گا۔۔۔

کیل مہاسوں سے نجات کے لئے بھی میتھی دانہ کو بے حد مفید مانا جاتا ہے۔۔۔اس کا استعمال کچھ یوں ہوگا کہ چار گلاس پانی میں چار کھانے کے چمچے دانہ میتھی شامل کریں اور اسے رات بھر کے لئے رکھ دیں۔۔۔صبح دانہ میتھی کو نکال دیں اور اس پانی کو مکس کرکے بوائل کرلیں اور روئی سے کیل مہاسوں پر لگائیں۔۔۔اس پانی کو فریج میں بھی رکھا جا سکتا ہے محفوظ کرنے کے لئے۔۔۔

اگر بال لمبے اور گھنے کرنے ہیں تو ایک ناریل کے تیل کی بوتل میں دانہ میتھی کے چند دانے ڈال کر اسے اچھی طرح ڈھک کر تین ہفتوں کے لئے رکھ دیں کسی نارمل درجہ حرارت پر۔۔۔اس تیل کو بالوں میں لگائیں اور حیرت انگیز رزلٹ سامنے آئیں گے۔

جن لوگوں کو خاص طور پر خواتین کو جوڑوں اور کمر کا درد رہتا ہے ان کے لئے دانہ میتھی کھانا، اس کو تیل میں ملا کر لگانا بہت مفید ہے۔۔۔

میتھی دانہ اور کلونجی کے فوائد ایک ساتھ استعمال کرکے بھی حاصل کیے جا سکتے ہیں۔ اگر آپ میتھی دانہ اور کلونجی کے فوائد کو آزمانا چاہتی ہیں تو رات کے وقت میتھی دانہ اور کلونجی کو الگ الگ ایک ایک چمچ پانی میں بھگوئیں۔ پھر صبح نہارمنہ یہ پانی مکس کرکے پی لیں۔ اس سے نہ صرف پیٹ اور معدے کی صفائی ہوگی بلکہ میتھی دانہ اور کلونجی کے فوائد آپ کو بھی مضبوط اور صحت مند بنا دیں گے۔

اس کے باقاعدہ استعمال سے دائمی قبض سے بھی نجات ملتی ہے اور پیٹ کی گیس میں بھی کمی آتی ہے -