یہ کیسا حجاب ہے کہ سر کے بال بھی دکھ رہے ہیں۔۔ شادی کے بعد نیلم منیر کا مذہب سے لگاؤ ! صارفین نے بھی پردے کا مطلب سمجھا دیا

Neelam Munir Pics In Hijab

پاکستانی اداکارہ نیلم منیر نے شادی کے بعد اپنے انداز میں واضح تبدیلی کی، جس نے مداحوں کی توجہ حاصل کرلی۔ کچھ لوگوں نے ان کے اس نئے انداز کو سراہا، جبکہ کچھ نے شدید تنقید کی۔

سال 2025 کے آغاز میں نیلم منیر نے دبئی میں مقیم بزنس مین محمد راشد سے شادی کی، جن کا تعلق میانوالی سے ہے اور وہ ٹریول اینڈ ٹورازم بزنس کے علاوہ متعدد ریسٹورنٹس کے بھی مالک ہیں۔

شادی کے بعد نیلم منیر نے انسٹاگرام پر ایسی پوسٹس شیئر کیں جن سے ان کے مذہب کی طرف رجحان کا اندازہ ہوا۔ وہ جائے نماز کی تصویر بھی پوسٹ کر چکی ہیں، اور اب انہوں نے اپنے پہناوے میں تبدیلی کا بھی انکشاف کیا۔

اداکارہ نے حال ہی میں ہلکا گلابی عبایا پہنے ایک تصویر شیئر کی، جس پر سفید موٹیوں کی خوبصورت ڈیزائننگ تھی۔ تاہم، ان کے حجاب کے انداز پر سوشل میڈیا صارفین نے ملا جلا ردعمل دیا۔ کچھ نے ان کے انداز کو پسند کیا، جبکہ کچھ نے اعتراض کیا کہ یہ حجاب مکمل نہیں کیونکہ ان کے بال نظر آ رہے ہیں۔

کچھ لوگوں نے مشورہ دیا کہ عبایا صرف فیشن نہیں بلکہ ایک مذہبی لباس ہے، جسے مکمل طریقے سے پہننا چاہیے۔ تاہم، نیلم منیر نے اس تنقید پر کوئی جواب نہیں دیا۔