Yogurt Korma Roast Recipe in Urdu

اجزاء:

چکن ۔۔۔۔۔۔۔۔۔۔۔۔۔۔ایک کلو
ادرک ، لہسن پیسٹ ۔۔۔۔۔۔۔دو کھانے کے چمچے
پیاز ۔۔۔۔۔۔۔۔۔۔۔۔۔۔تین عدد
لال مرچ پاﺅڈر ۔۔۔۔۔۔۔۔ایک کھانے کا چمچہ
دھنیا پاﺅڈر ۔۔۔۔۔۔۔۔۔۔ڈیڑھ کھانے کا چمچہ
گرم مصالحہ پاﺅڈر ۔۔۔۔۔۔ایک کھانے کا چمچہ
دہی ۔۔۔۔۔۔۔۔۔۔۔۔۔ڈیڑھ کپ
کیوڑہ ایسنس ۔۔۔۔۔۔۔۔ایک چائے کا چمچہ
نمک ۔۔۔۔۔۔۔۔۔۔۔۔حسب ذائقہ
تیل / گھی۔۔۔ ۔۔۔۔۔ایک کپ

ایک پیاز کچی پیس لیں اور دو پیاز باریک کاٹ لیں ۔ آدھا کپ دہی میں ایک کھانے کا چمچ ادرک ،لہسن پیسٹ ، پسی ہوئی پیاز ، نمک اور گرم مصالحہ پاﺅڈر ڈال کر مکس کرلیں ۔ اس آمیزے میں چکن کے ٹکڑوں کو اچھی طر ح میری نیٹ کرکے ایک گھنٹے کے لئے فریج میں رکھ دیں ۔
ایک کپ دہی میں نمک ، لا ل مرچ پاﺅڈر اور دھنیا پاﺅڈر ڈال کر مکس کرلیں ۔ کڑاہی میں چار کھانے کے چمچ گھی گرم کریں اور مصالحے لگے ہوئے چکن کے ٹکڑوں کو تیز آنچ پر فرائی کرلیں ۔
فرائنگ پین میں گھی گرم کرکے اس میں کٹی ہوئی پیاز ڈال کر سنہری فرائی کرلیں ۔اس میں ادرک لہسن پیسٹ ڈال کر ایک سے دو منٹ فرائی کریں پھر اس میں فرائی کی ہوئی چکن اور مصالحہ ملی ہوئی دہی ڈال کر اچھی طرح مکس کرلیں اور درمیانی آنچ پر پکائیں ۔
پندرہ سے بیس منٹ بعد جب گوشت گل جائے تو اسمیں کیوڑہ ایسنس چھڑک کر ہلکی آنچ پر پانچ سے سات منٹ کے لئے دم پر رکھ دیں ۔
ڈش میں نکا ل کر حسب پسند شیرمال اور تافتا ن کے ساتھ پیش کریں