Sounf Ka Sharbat Recipe in Urdu

اجزاء:
سونف قدرت کے عطا کردہ انمول تحفوں میں سے ایک ہے۔ یہ بظاہر ایک سادہ سی جڑی بوٹی ، لیکن اس کے فوائد اور خصوصیات بے شمار ہیں۔ یہ خواتین میں ہارمونز کے بگاڑ کو درست کرتی ہے۔ یہ بے شمار منرلز، وٹامنز اور غذائی ریشے سے بھرپور جڑی بوٹی ہے۔ یہ صحت کے لئے انتہائی مفید ہے۔ ا س کا قہوہ بھی اپنے اندر جادؤئی خصوصیات رکھتا ہے اور اس کے لئے ماہرین غذائیت کا کہنا ہے کہ اگر وزن میں تیزی سے کمی لانا چاہتے ہیں تو سونف کا قہوہ کمال دکھاتا ہے۔ اس کے علاوہ بھی اس میں صحت کے حوالے سے بے شمار خوبیاں موجود ہیں۔ لیکن یہاں ہم سونف سے بنی مزیدار ریسیپی لے کر آئے ہیں جوکہ گرمیوں میں بہت زیادہ فائدہ پہنچانے والی ہے۔
سونف میں وٹامن اے اور سی بھرپور مقدار میں پایا جاتا ہے جس کی وجہ سے اس کا استعمال بینائی کی حفاظت کرتا ہے، غذائی ماہرین کے مطابق سونف پیس کر اس کا قہوہ بنا کر پینے سے کمر درد میں بہتری آتی ہے، سونف گردے اور مثانے کا ورم دور کرنے میں بھی مدد فراہم کر تی ہے، فرحت بخش احساس دلانے والی سونف کا استعمال دماغ کی کمزوری اور یادداشت کے لیے بہترین دوا ہے، سونف چبانے سے بیٹھی ہوئی آواز ٹھیک ہو جاتی ہے۔ سونف کی انہی جادؤئی خصوصیات کی بناء پر ہم اس کا شربت آپ کے لئے لائے ہیں یہ گرمی کا توڑ ہے، شدید گرمی میں یہ ایک سوغات ہے۔ اس کا پاؤڈر بنا کر رکھ لیں تو یہ ایک سال تک خراب نہیں ہوتا۔
سونف کا پاؤڈر
سونف 6 کھانے کا چمچ
چھوٹی الائچی آدھا کھانے کا چمچ
مصری 50 گرام
کالا نمک ایک چوتھائی چائے کا چمچ
یہ آپ کا شربت کا پاؤڈر تیار ہے اس کو کسی ائیر ٹائٹ جار میں رکھ لیں یہ ایک سال تک خراب نہیں ہو گا۔ اس کو بنانے کے دو طریقے ہیں جو ہم آپ کو یہاں بتارہے ہیں۔

طریقہ 1
ایک گلاس پانی میں ایک چمچ یہ پاؤڈر ڈالیں،مکس کر لیں( اسے آپ چھان بھی سکتے ہیں) اس میں تخم بالنگا ڈالیں، ڈھیر ساری برف ڈالیں، آپ کا مزیدار شربت تیار ہے ۔
طریقہ 2
ایک گلاس میں یہ پاؤڈر ڈالیں اب اس میں تخم بالنگا ڈالیں اور اوپر سے کوئی بھی وائٹ سوڈا ڈرنک شامل کردیں۔ لیجئے آپ کی ریفریشنگ ڈرنک تیار ہے خوب برف ڈال کر پئیں اور مہمانوں کو بھی پلائیں۔