Shami Kabab Recipe in Urdu

اجزاء:
عید پر شامی کباب تو سب ہی بناتے ہیں پھر چاہے گھر والوں کیلیئے ہوں یا پھر دعوت میں مہمانوں کو کھلانے کیلیئے، یہ سب ہی بہت شوق سے کھاتے ہیں۔ لیکن جو مزہ نانی دادی کے ہاتھ کے شامی کبابوں میں ہوتا تھا اسے سب یاد کرتے ہیں، تو کیوں نہ اس عید پرانی یادوں کو تازہ کردیا جائے؟

آج ہم آپ کو سیکھا رہے ہیں روائتی انداز میں ریشے والے شامی کباب بنانے کا طریقہ، جسے کھا کر ہر کوئی آپ کی تعریف کرے گا، تو پھر شروع کرتے ہیں۔

ریشے والے شامی کباب بنانے کی ترکیب:

۔ سب سے پہلے چنے کی دال 250 گرام لے کر اسے رات بھر پانی میں بھگو کر رکھ دیں

۔ کُکر میں گائے کا گوشت ½ کلو (کچھ ہڈیاں بھی شامل کردیں) لیں اور اس میں 2 چمچ ادرک لہسن کچل کر، 1 چمچ زیرہ، 1 چمچ دھنیا، 6 لونگ، 3 بڑی اور 3 چھوٹی الائچی، 5 سے 6 دارچینی، 15 سے 20 کالی مرچ، 7 سے 8 موٹی لال مرچ، 1 عدد پیاز، نمک اور 3 گلاس پانی شامل کر کے گوشت گلنے کیلیئے چھوڑ دیں

۔ جب گوشت گل جائے تو اسے یخنی سمیت ایک دیگچی میں نکال کر اس میں چنے کی دال ڈال دیں اور ڈھکن لگا کر پکائیں، یہاں تک کہ دال بھی گل جائے۔ اب ثابت گرم مصالحے کو نکال کر الگ کردیں

۔ گوشت کا پانی مکمل خشک کرنے کے بجائے ہلکی آنچ پر دوران کوکنگ ہی اس میں گھوٹا لگائیں، اور اچھے سے گوشت اور دال کو پیس لیں، اسکے بعد چولہا بند کردیں

۔ کباب کا مصالحہ ٹھنڈا ہونے کے بعد اس میں باریک کٹی ہوئی پیاز، دھنیا، پودینہ، باریک کٹی ہری مرچ، تھوڑا سا رم مصالحہ اور 1 عدد انڈا شامل کر کے مکس کریں، اور کباب کی ٹکیاں بنا کر فریج میں رکھ دیں
کھانے سے پہلے فرائی کریں، خود بھی کھائیں اور سب کو کھلائیں!