Malai Boti Recipe in Urdu

اجزاء:
عید تہوار وغیرہ میں جہاں گھروں میں دعوتوں کا سلسلہ لگا رہتا ہے وہیں خواتین کو یہ پریشانی لاحق رہتی ہے کہ مہمانوں کیلیئے کھانے میں کیا بنایا جائے۔ اور عید کے موقع پر کھانا بھی شاندار ہونا چاہیئے تا کہ دعوت کا رعب رہے۔

تو آپکی اس پریشانی کو دور کرنے کیلیئے کے فوڈز آپ کیلیئے لایا ہے گھر میں مزیدار ملائی بوٹی بنانے کی ایسی ترکیب، جو آپ کو خاندان بھر میں مشہور کردے۔

ریسیپی شروع کرنے سے پہلے آپ کو بتاتے چلیں کہ اس میں آپ کو مرغی کا بغیر ہڈی والا (ران کا گوشت) لینا ہے۔

چکن کو ابالنے کیلیئے:

ایک پین میں ادرک لہسن پیسٹ دیڑھ چمچ، ہری مرچ پسی ہوئی 1 چمچ، پانی دیڑھ کپ، ایک لیموں کا رس اور تھوڑا سا نمک ڈال کر ایک ابال آنے دیں، اسکے بعد مرغی ڈال دیں اور ڈھکن لگا کر کچھ دیر درمیانی آنچ پر پکائیں، جب مرغی نرم ہوجائے تو ڈھکن ہٹا کر پانی خشک کرلیں پر دھیان سے پانی بلکل خشک نا ہو بلکہ تھوڑا جوسی رہنا چاہیئے

چکن پر مصالحہ لگانے کیلیئے:

۔ ایک پیالے میں مرغی نکال کر اس میں گاڑھی دہی 2 چمچ، ملائی 2 چمچ، نمک حسبِ ذائقہ اور کالی مرچ ½ چمچ ڈال کر مکس کرلیں اور 2 گھنٹے کیلیئے رکھ دیں

۔ اسکے بعد اگر آپ کے پاس سیخ ہے تو اس میں بوٹیوں کو لگا کر چولہے کے اوپر رکھ کے ہلکا ہلکا سیکھ لیں، چاہیں تو چولہے میں کوئلہ بھی رکھ لیں تا کہ اسکا ذائقہ آجائے یا پھر جالی رکھ کر یہ کام کرلیں

۔ آپ چاہیں تو آخر میں بھی کوئلے کا دھواں دے سکتے ہیں، لیجیئے مزیدار ملائی بوٹی تیار ہے!