Lauki ki Sabzi Recipe in Urdu

اجزاء:
لوکی کی سبزی کھانا سنت ہے ۔ ہر گھر میں یہ سبزی بنتی ہی ہے مگر بچے اس کو شوق سے نہیں کھاتے جس کی وجہ سے مائیں پریشان ہوتی ہیں کہ فائدے مند سبزی ہی جب بچے نہ کھائیں تو کیا کھائیں گے انہیں غذائیت کیسے ملے گی؟ سبزیوں کو پرانے انداز سے پکانا چھوڑیں بلکہ اب اپنائیں نئے طریقے اوربنائیں مز یدار کھانے ۔۔ آج ہم آپ کو بتانے جا رہے ہیں مزیدار لوکی کی سبزی کو ہانڈی میں بنانے کا وہ طریقہ جس سے ہر کوئی آپ کی تعریف کیے بغیر رہ نہ پائے۔
مٹی کی ہانڈی میں بننے والا کھانا یقیناً بہت زیادہ ذائقہ دار بنتا ہے جس کی وجہ یہی ہے کہ یہ ہر کھانے کے ذائقے کو دوبالا کردیتی ہے۔ اب سے لوکی کو اس میں بنا کر دیسی اسٹائل اپنائیں ۔
اجزاء:
٭ آدھا کلو لوکی،
٭ 3 سے 4 ٹماٹر،
٭ آدھا چمچ سونف،
٭ آدھا چمچ زیرہ،
٭ حسبِ ذائقہ نمک،
٭ آدھا چمچ لال مرچ پاؤڈر،
٭ 3 سے 4 لیموں،
٭ ایک اچار مصالحے کا پیکٹ،
٭ ایک کٹی ہوئی پیاز،
٭ پودینہ،
٭ ادرک لہسن کا پیسٹ ایک چمچ،
٭ گرم مصالحہ حسبِ ذائقہ،
٭ املی کا پیسٹ 1 چمچ۔

٭ ہانڈی کو کچھ دیر کے لئے چولہے پر رکھ دیں تاکہ یہ گرم ہو جائے پھر اس میں ایک چمچ آئل ڈال کر ہلکی آنچ پر گرم کرلیں۔
٭ لوکی کو اچھی طرح دھو کر چھیل لیں اور باریک کاٹ لیں۔
٭ پھر پیاز کو کاٹ کر آئل میں ہلکا براؤن کرلیں۔
٭ اب اس میں لوکی ڈال کر اچھی طرح چمچ چلائیں اور 15 منٹ کے لئے ڈھکن ڈھک کر رکھ دیں۔
٭ اس کے بعدزیرہ، ادرک لہسن کا پیسٹ، مرچیں، نمک،سونف،املی کا پیسٹ، ٹماٹر اورمصالحے ڈال کر اچھی طرح بھون لیں۔
٭ ایک ٹکڑا کوئلہ ڈال کر ہانڈی کو 5 منٹ کے لئے ڈھک دیں۔
٭ لیجیے تیار ہے مزیدار لوکی کی سبزی ۔۔ اب اس کو املی کی چٹنی کے ساتھ سروو کردیں۔