ہرے مصالحے کی بریانی
اجزاء:
گوشت ----- ایک کلو
چاول ---- ایک کلو
ادرک لہسن پسا ہوا ---- دو کھانے کے چمچ
نمک ----- حسب ذائقہ
پیاز (باریک کٹی ہوئی) ---- بارہ سے پندرہ عدد
ہرا دھنیا (باریک کٹا ہوا) ---- ایک گٹھی
کالی مرچ (موٹی کُٹی ہوئی) ----- ایک کھانے کا چمچ
ثابت گرم مصالحہ ----- دو کھانے کے چمچ
دہی پھینٹا ہوا ----- دو پیالی
زردے کا رنگ ---- ایک چٹکی
دودھ ----- آدھی پیالی
کیوڑہ ایسنس ---- چند قطرے
گھی ---- ایک پیالی
ترکیب:
دیگچی میں گوشت ڈال کر اس میں ادرک لہسن٬ پیاز٬ ہری مرچیں٬ ہرا دھنیا٬ پودینہ اور ایک پیالی پانی ڈال کر ہلکی آنچ پر اتنی دیر ابالیں کہ گوشت اچھی طرح گل جائے-
دہی میں کالی مرچ اور نمک ملا لیں- گوشت کو چولہے سے اتار کر دہی اور گھی ڈال دیں اور ایک طرف رکھ دیں-
چاولوں کو گرم مصالحے کے ساتھ ایک کنی (مکمل گلنے سے تین چار منٹ پہلے) ابال لیں- چھلنی میں ڈال کر زائد پانی نکال لیں-
بڑے سائز کی دیگچی میں گوشت کو پھیلا کر رکھیں اور اوپر ابلے ہوئے چاول ڈال دیں-
زردہ کا رنگ اور کیوڑہ ایسنس دودھ میں ملا کر چاولوں پر چھڑک دیں- چاول ڈھک کر گرم توے پر پندرہ سے بیس منٹ کے لیے ہلکی آنچ پر (دم پر) پکائیں-
Posted By: ~Sani~, karachi
Add Your Recipe