Dal Pulao Recipe in Urdu

اجزاء:
دال کا پلاؤ پیٹ کے لیے بھی ہلکا ثابت ہوتا ہے اور جیب پر بھی کم خرچ دیتا ہے۔ بریانی سے زیادہ جلدی بن کر تیار ہوتا ہے اور ذائقے میں بھی کوئی کمی نہیں رہتی۔ چلیے بتاتے ہیں کے فوڈز میں ہم آپ کو مونگ دال کا جلدی سے بننے والا وہ پلاؤ جو آج آپ کے گھر میں سب پیٹ بھر کر کھائیں گے۔

اجزاء:
مونگ دال آدھا پیالہ،
1 کلو چاول،
2 سے 4 کالی مرچ ثابت،
1 چمچ کالی مرچ پاؤڈر،
2 سے 3 لونگ ثابت،
گرم مصالحہ 1 چمچ،
لیموں 2 سے 3 ( 1 باریک کٹا ہوا لیموں اور 2 لیموؤں کا رس ) ،
2 ثابت لال مرچ ( گول والی ) ،
2 چمچ لال مرچ پاؤڈر،
ہرا دھنیا حسبِ ذائقہ،
ٹماٹر 4 سے 5،
1 تیز پات،
2 کٹی ہوئی پیاز،
2 چمچ املی کا پیسٹ،
آدھا چمچ دھنیا،
آدھا چمچ ہلدی،
آدھا چمچ زیرہ،
چٹکی بھر انار دانہ،
1 چمچ ادرک لہسن کا پیسٹ،
2 کٹی ہوئی ہری مرچیں
2 چمچ نمک

پلاؤ کا طریقہ:
٭ سب سے پہلے دال کو بھگو دیں۔
٭ چاولوں کو صاف کرکے بھگو دیں۔
٭ دال کو بس 3 سے 4 منٹ ہی ابال کر الگ رکھ لیں۔
٭ آئل کو گرم کریں اور پیاز بھون لیں اور بلینڈر میں بھنی ہوئی پیاز، ادرک لہسن کا پیسٹ ڈال کر بلینڈ کرلیں۔
٭ چاولوں کو ابالتے وقت ان میں آئل، لیموں کا رس ڈال کر کچھ دیر کے لیے ڈھک دیں جب چاول آدھے کچے اور آدھے پکے رہ جائیں تو اس میں ابلی ہوئی دال، ٹماٹر، ہلدی، نمک، ہری مرچ، دھنیا، لال مرچ، کالی مرچ، تیز پات، لونگ، گرم مصالحہ، کٹے ہوئے لیموں، بھونی ہوئی پیاز کا کچلا اور تھوڑا سا ہرا دھنیا ڈال کر 10 منٹ کے لیے دم پر رکھ دیں۔
٭ اب ایک پیالے میں املی کا پیسٹ ایک چمچ، 2 چمچ پانی اور ایک چمچ لیموں کا رس ڈال کر اچھی طرح مکس کرکے رکھ لیں۔
٭ لیجیے مزیدار مونگ پلاؤ بن کر تیار ہے۔

لال چٹنی کیسے بنائیں؟
٭ بلینڈر میں لال مرچ پاؤڈر، املی کا پیسٹ، لیموں کا رس، ٹماٹر اور تھوڑا سا انار دانہ ڈال کر اچھی طرح بلینڈ کرلیں۔
٭ لیجیے لال چٹنی بن کر تیار ہے۔

اب پلاؤ کو اس چٹنی کے ساتھ سروو کریں اور املی کے پیسٹ لیموں کا رس جو مکس کیا گیا تھا اس کو اوپر سے ڈال دیجیے۔