Bengan Ki Sabzi Recipe in Urdu

اجزاء:
بینگن کو خواتین مختلف انداز سے بناتی ہیں کبھی آلو کے ساتھ ملا کر تو کبھی اسکا بَھرتا یا بھگارے بینگن بنا کر۔ لیکن بعض اوقات مرد اور بچے ایک ہی جیسی سبزی کھا کر بیزار ہوجاتے ہیں۔ اسلیئے آج کے فوڈز آپ کے ساتھ شئیر کر رہا ہے بینگن کی ایک اور منفرد ریسیپی، جسے کھا کر نہ کھانے والا بھی دوبارہ کھانے کی فرمائش کرئے گا۔

بینگن کی اسٹفنگ کیلیئے:

۔ 1 کلو گول والے پینگن لیں اور اسے بیچ سے کاٹ کر دو حصوں میں کر دیں (اسکی ڈنڈی بھی ساتھ لگے رہنے دیں)، اب اس کے اندر چھری سے چکور چیرے لگائیں۔

۔ ایک پیالی میں 2 چمچ دھنیا پسا ہوا ، ½ چمچ زیرہ پسا ہوا ، 1 چمچ لال مرچ پاؤڈر اور 1 چمچ نمک شامل کر کے خشک مصالحہ بنالیں، اور اب اسے بینگن کے اندر لگے چیروں میں اچھی طرح بھریں۔

۔ ایک پین میں تھوڑا سا تیل گرم کر کے بینگنوں کو فرائی کرلیں (مصالحے والی سائیڈ سے) اور ساتھ ہی 5 سے 6 موٹی ہری مرچیوں کو بھی اسی میں فرائی کرلیں۔

۔ اسی پین میں ایک چوتھائی کپ تیل ڈال کر اس میں 1 عدد پیاز کا پیسٹ ڈالیں اور 1 منٹ تک پکائیں، اب اس میں 1 چمچ ادرک لہسن کا پیسٹ، 2 عدد ٹماٹروں کا پیسٹ، ہلدی اور بچا ہوا خشک مصالحہ ڈال کر اچھی طرح بھون لیں (نمک اور مرچی ذائقہ کے حساب سے اور ڈال سکتے ہیں)

۔ جب مصالحہ اچھے سے بھون جائے تو اس میں تھوڑا پانی ڈال کر گریوی بنا لیں اور پھر بینگن شامل کر کے 2 سے 3 منٹ ہلکی آنچ پر ڈھکن لگا کے رکھیں، اسکے بعد بینگنوں کو پلٹ کر دوسری سائیڈ سے بھی 1 سے 2 منٹ دم دے کر مزید پکالیں

۔ آخر میں فرائی کی ہوئی ہری مرچ، دھنیا اور لیموں کا رس شامل کر کے 1 منٹ کیلیئے دم دیں اور پھر چولہا بند کردیں۔ لیجیئے مزیدار مسالحہ بینگن تیار ہیں!