Barbecue Seafood Platter Recipe in Urdu

اجزاء:
مچھلی۔۔۔۔۔۔۔۔۔۔۔ آدھا کلو
جھینگے۔۔۔۔۔۔۔۔۔۔۔ آدھا کلو
نمک۔۔۔۔۔۔۔۔۔۔۔ حسب ذائقہ
ادرک۔۔۔۔۔۔۔۔۔ تین انچ کا ٹکڑا
لہسن کے جوے۔۔۔۔۔۔۔۔۔۔۔ چھ سے آٹھ عدد
پسی ہوئی لال مرچ۔۔۔۔۔۔۔۔۔۔۔۔۔ دو سے تین کھانے کے چمچ
ہلدی۔۔۔۔۔۔۔۔۔۔۔ آدھا چائے کا چمچ
سفید زیرہ۔۔۔۔۔۔۔۔۔۔۔۔۔ ڈیڑھ کھانے کا چمچ
دہی۔۔۔۔۔۔۔۔۔۔۔۔۔ آدھی پیالی
لیموں کا رس۔۔۔۔۔۔۔۔۔۔۔۔۔ چار سے چھ کھانے کے چمچ
آئل۔۔۔۔۔۔۔۔۔۔۔۔۔۔۔ حسب ضرورت

بغیر کانٹے کی مچھلی لے کر اس کی سلائسز کر لیں اور جھینگوں کا چھلکا اس طرح نکالیں کہ ان کی دم علیحدہ نہ ہو۔
دونوں چیزوں کو صاف دھو کر رکھ لیں اور ایک بڑے پیالے میں اس کا مصالحہ تیار کر لیں۔
ادرک اور لہسن کو باریک پیس لیں،زیرہ بھون کر پیس لیں اور ان لال مرچوں کے ساتھ پیالے میں ڈال کر ملائیں۔ساتھ ہی اس میں دو کھانے کے چمچ آئل اور دہی ملائیں اور آخر میں لیموں کا رس شامل کر کے مصالحے کا مکسچر تیار کر لیں۔
جھینگے اور مچھلی سلائسز کو اس میں ڈال کر ہلکے ہاتھ سے ملائیں تاکہ ٹوٹنے نہ پائیں اور اسے آدھے گھنٹے کے لئے فریج میں رکھ دیں۔
انگیٹھی میں کوئلے ڈال کر جلائیں لیکن دھیان رہے انہیں اچھی طرح جلنے کے بعد پھیلا دیں اور تھوڑی سی آنچ ہلکی ہونے کا انتظار کریں کیونکہ مچھلی نازک ہوتی ہے اور کم وقت میں پک جاتی ہے اس لئے اسے زیادہ آنچ درکار نہیں ہوتی۔
دو سیخیں اکٹھی لے کر ان پر مچھلی کے سلائسز کو پرو لیں اور جھینگوں کو لمبائی میں سیخ پر پرو کر رکھتے جائیں۔
ان سییخوں کو انگیٹھی پر رکھ کر احتیاط سے ایک طرف سے سینک لیں اور درمیان میں برش کی مدد سے ڈالڈا اولیو آئل لگائیں پھر پلٹ کر دوسری طرف سے بھی اسی طرح سینک لیں۔