Aloo Ka Halwa Recipe in Urdu

اجزاء:
ہم سب ہی نے گُڑ کا حلوہ، دال کا حلوہ تو کھایا ہی ہے اور اس کے ذائقے سے خوب لطف لئے ہیں، مگر کیا آپ نے آلو کا حلوہ کھایا ہے، یہ اتنا مزیدار ہوتا ہے کہ آپ بھی انگلیاں چاٹتے رہ جائیں گے اور اسے بنانا بھی اتنا آسان ہے کہ آپ اسے جب چاہیں بنا سکتے ہیں۔
تو چلیں پھر آج ہم آپ کو یہ مزیدار حلوہ بنانے کی ترکیب بتاتے ہیں وہ بھی صرف 20 منٹ میں، جی ہاں! یہ جتنا سستا اور آسان ہے اتنا ہی جلدی بھی بن جاتا ہے کیونکہ آلو تو گلتا ہی جلدی ہے تو کیوں نہ ہو یہ فوری تیار۔
مزیدار آلو کا حلوہ بنانے کی ترکیب
جب بھی ہمارے مذہبی تہوار آتے ہیں تو ہم لازمی میٹھے کو اپنے مینو میں شامل کرتے ہیں اور کچھ لوگ تو میٹھے کھانے کے اتنے شوقین ہوتے ہیں کہ ایسے تہواروں کا انتظار کرتے ہیں، لیکن انہوں نے بھی کبھی آلو کا حلوہ نہیں چکھا ہوگا اس مرتبہ آپ بھی ہماری بتائی ہوئی ترکیب سے آلو کا حلوہ بنا کر انہیں حیرت میں ڈال سکتے ہیں چلیں تو پھر ترکیب جان لیتے ہیں۔
• اجزاء
آلو۔۔۔۔ 6 سے 8 عدد
گھی۔۔۔۔ حسبِ ضرورت
چینی۔۔۔۔ حسبِ پسند
دودھ۔۔۔۔ 2 سے 3 کپ
کاجو۔۔۔۔ گارنش کے لئے
بادام۔۔۔۔ گارنش کے لئے
چھوٹی الائچی کا پاؤڈر۔۔۔۔ ٓآدھا چائے کا چمچ

سب سے پہلے آلوؤں کو اُبال کر انہیں چھیل لیں اور میش کر لیں۔
اب ایک پین میں گھی ڈالیں۔
اس پین میں میش کئے ہوئے آلو ڈالیں اور اچھی طرح مکس کر کے پکائیں۔
دو سے 4 منٹ آلو کو گھی میں بھونیں پھر اس میں چینی ڈال دیں۔
اب ساتھ ہی دودھ بھی شامل کریں اور اچھی طرح چمچہ چلاتے رہیں کہ آلو چپکے نہ اور گھٹلیاں نہ بنیں۔
اب اس میں پسی الائچی ڈال کر بھونیں اور ساتھ کچھ بادام اور کاجو بھی شامل کر دیں۔
آخر میں یہ دیکھیں کہ اس میں اتنا گھی ہو کہ آلو خود ہی پین کو چھوڑ دے اور بلکل بھی نہ چپکے، پھر اسے باؤل میں نکال کر اوپر سے بادام اور کاجو سجا دیں۔
مزیدار گرم گرم آلو کا حلوہ 20 منٹ میں تیار ہے سب کو پیش کریں اور تعریف سنتے جائیں۔