Make Your Own Sunscreen Spray

سَن بلاک خود گھر میں بنائیں ! شیف فرح

جلد کی حفاظت اور خوبصورتی پر خواتین بہت زیادہ توجہ دیتی ہیں اور وہ خواتین جو آفس یا دیگر وجوہات کی بناء پر گھر سے باہر نکلتی ہیں اُن کو یہ ڈر لگا رہتا ہے کہ دھوپ تیز ہے کہیں جلد خراب نہ ہوجائے وغیرہ اس کے لئے وہ مارکیٹ سے طرح طرح کی کریمیں خریدتی ہیں جو اکثر بے فائد ہ ہوتی ہیں ۔
درج ذیل میں شیف فرح گھر میں سَن بلاک بنانا بتارہی ہیں جس سے آپ کی جلد سورج کی تیز شعاعوں سے بھی محفوظ رہیں گی اور دیگر جلدی مسائل بھی جنم نہیں لیں گے ۔

اجزاء :
پانی ۔۔۔۔۔۔۔۔ایک گلاس
پالک کا پیسٹ ۔۔۔۔۔ دو کھانے کے چمچ
ایلوویرا جیل ۔۔۔۔۔۔۔۔ایک کھانے کا چمچ(ایلویرا جیل میں تھوڑا سا پانی شامل کرکے بلینڈ کرلیں)
لیموں کار س۔۔۔۔۔۔۔۔ایک کھانے کا چمچ
چنبیلی کاتیل ۔۔۔۔۔۔۔آدھ چائے کا چمچ (خوشبوکے لیے)


بنانے کا طریقہ :
ایک پین میں پانی شامل کرکے گرم کریں ۔
اس کے بعد تمام اجزاء شامل کرکے پانچ منٹ تک اُبالیں ۔
پھر ململ کے کپڑے میں چھان لیں ۔
اس محلول کو اسپرے بوتل میں بھر کر رکھ لیں ۔ جب بھی باہر جانے لگیں تو ہلکا سا چہرے اور ہاتھوں پر اسپرے کریں اور ٹشوپیپر سے ہلکا سا صاف کرلیں ۔
اس سے آپ کی جلد مکمل محفو ظ ہو جائے گی ۔
آ پ چاہیں تو میک اپ بھی کر سکتی ہیں ۔