Homemade Washing Machine Cleaner

واشنگ مشین کو صاف کرنے کا آسان اور سستا طریقہ
یہ وہ وقت تھا جب میں اپنی واشنگ مشین صاف کر رہی تھی کیونکہ اس سے بہت بدبو آنی شروع ہوگئی تھی جس کا یقیناًآپ کو بھی تجربہ ہوا ہوگا ۔ میں نے بدبو کو ختم کرنے کے لئے کچھ واشنگ مشین کلینرز بھی استعمال کئے لیکن کوئی خاص فائدہ نہیں ہوا۔ لہذا میں نے سوچا کہ کیوں نہ میں اس بدبو کو ختم کرنے کے لئے اُن چیزوں کا استعمال کروں جو پہلے سے ہی میرے گھر میں موجود ہوں اور کچھ خرچ بھی نہ کرنا پڑے کیونکہ مارکیٹ میں موجود واشنگ کلینرز کافی مہنگے ہوتے ہیں ۔

چلیں اب میں آپ کو بتاتی ہوں کہ کس طرح آپ گھر میں واشنگ مشین کلینرز بنا سکتے ہیں وہ بھی مفت میں ۔
۱۔ سب سے پہلے واشنگ مشین کو گرم پانی سے بھردیں ۔ پھر اس میں ایک کپ سفید سرکہ ڈالیں اور پھر اسے ایک یا آدھے گھنٹے کے لیے چھوڑ دیں ۔
۲۔ واشنگ مشین اسٹارٹ کریں اور اسے راؤنڈ مکمل کرنے دیں ۔
۳۔ اس کے بعد سوئچ آف کرکے اسفنج کی مدد سے اس کو سائیڈوں سے بھی اچھی طرح صاف کریں ۔
۴۔ اس کے بعد پانی نکال لیں اور پھر اس میں گرم پانی ڈالیں اور ساتھ ہی دو کپ بلیج بھی ڈال دیں پھر اسے
ایک یا آدھے گھنٹے کے لیے چھوڑ دیں ۔
۵۔ پھر ایک رومال یا کپڑے کا ٹکڑا لیں اور اس کی مدد سے واشنگ مشین کو اندر سے اچھی طرح سے دھولیں ۔
۶۔پھر واشنگ مشین دوبارہ اسٹارٹ کریں اور اسے راؤنڈ مکمل کرنے دیں اور پانی نکال کے ایک سوکھے کپڑے کی مدد سے صاف کرلیں ۔
۷۔اب آپ محسوس کریں گے کہ واشنگ مشین سے بدبو نہیں آرہی اور یہ ایک دم صاف ہوگئی ہے ۔