Danto Ke Nishanaat Ka Ilaj

کیا آپ کے دانتوں کا رنگ اڑ گیا ہے؟ تو جانیے کہ ماہرین کے مطابق آپ کس سنگین مرض میں مبتلا ہوسکتے ہیں؟

اکثر ہم دیکھتے ہیں کہ بہت سے لوگوں کے دانتوں کا رنگ اڑ جاتا ہے اور وہ بد نما نظر آتے ہیں ۔ بعض لوگ سمجھتے ہیں کہ ایسا کھانے پینے کی وجہ سے ہوتا ہے۔ لیکن ایسا ضروری نہیں کیونکہ دانتوں کا رنگ اور ان پر نشانات کا آجانا اس سے متعلق امریکی ماہرین کا کہنا ہے کہ یہ نظام ہاضمہ میں پیدا ہونے والے مرض کی وجہ بھی ہوسکتی ہے۔
امریکن ڈینٹل ایسوسی ایشن کی تحقیق کے مطابق معدے کے مسائل کی وجہ سے نظام ہاضمہ کو غذا کو جذب کرنا مشکل ہوجاتا ہے خاص کر کیلشیم والی غذاؤں کو جس کی وجہ سے دانت شدید متاثر ہوتے ہیں اور ان کی رنگت خراب ہوجاتی ہے اور دانتوں پر زرد اور پیلے نشانات آجاتے ہیں۔
دانتوں کے رنگ کو ٹھیک کرنے اور دوبارہ خوبصورت بنانے کے لیے ضروری ہے کہ اپ ڈاکٹر سے رجوع کریں اور معدے کا معائنہ کروائیں۔ تاکہ آپ دانت کے ساتھ ساتھ ہیضے، پیٹ ،سینے میں جلن جیسے دیگر سنگین مرض میں بھی مبتلا ہونے سے بچ سکیں۔

گھریلو علاج اور احتیاط

اس کے لیے ضروری ہے کہ آپ اپنی خوراک کو تبدیل کریں۔ ایسی خوراک کا استعمال کریں جس سے آپ معدے کی بیماریوں سے دور رہ سکیں۔ زیادہ مصالحے اور چٹ پٹے کھانوں سے گریز کریں اور ٹھنڈی غذاؤں مثلاً تازہ پھلوں کا رس ، تازہ سبزیوں کا سلاد، دہی میں اسپغول ملا کر اور امرود وغیرہ کا استعمال معمول بنائیں۔ یہ یقیناً آپ کے معدے کے لیے نہایت مفید غذائیں اور گھریلو علاج ثابت ہوگا۔