Chehry Ke Dagh Dhabby Khatam Karne Ka Tarika

چمکتی دمکتی، داغ دھبوں سے پاک جلد کے لئے مشہور اداکارہ کیا چیز روزانہ استعمال کرتی ہیں؟خوبصورت اداکارہ نے اپنے حسن کا راز بتادیا ۔

خوبصورتی دو طرح کی ہوتی ہے ایک اندرونی خوبصورتی اور ایک بیرونی خوبصورتی،لیکن ہمارے ہاں لوگ عموماً بیرونی خوبصورتی کی طرف زیادہ توجہ دیتے ہیں۔ اسی لئے لوگ جاننا چاہتے ہیں کہ ہمارے اداکار اور اداکارائیں ایسا کیا استعمال کرتے ہیں جس کی وجہ سے وہ اتنے فریش اور خوبصورت نظر آتے ہیں ۔ ایسے میں ہماری ڈرامہ انڈسٹری کی مشہور اداکارہ حبا بخاری جن کی ابھی حال ہی میں شادی ہوئی ،ان کے شوہر بھی انڈسٹری کے ابھرتے ہوئے اداکار آریزاحمد ہیں ۔ حبا بخاری کی چہرے کی خوبصورتی اور ان کی ملاحت کا راز کیا ہے یہ انہوں نے اپنی ایک وائرل ہونے والی وڈیو میں بتا دیا۔ حبا بخاری کا کہنا تھا کہ وہ اپنی جلد کی خوبصورتی کے لئے آرگینک ابٹن کا استعمال ضرور کرتی ہیں اور اس کا روزمرہ استعمال سن کی عادت ہے اس سے ان کی جلد کی رنگت اس کی ملائمت، اس کی فریش نیس برقرار رہتی ہے، اس لئے اگر آپ کی جلد کو ابٹن سوٹ کرتا ہے تو اسے روزانہ استعمال کریں اس کے کوئی سائڈ ایفیکٹس نہیں ہیں اور یہ ان کی چہرے کی خوبصورتی کو بڑھا دیتا ہے۔ اس کے ساتھ ساتھ اداکارہ نے وٹامن سی سیرم کے استعمال کا بھی مشورہ دیا کہ چونکہ وٹامن سی ہماری اسکن کو ریفریش کر دیتا ہے اور چہرے کی جھریاں،لاف لائنز وغیرہ بھی بننے سے روکتا ہے ،اس کا استعمال بھی خوبصورتی میں اضافہ کرتا ہے۔