Benefits Of Ginger Powder (Sonth) For Skin & Hair

ہر کوئی یہی چاہتا ہے کہ صحت بھی اچھی ہو اور خوبصورتی بھی مگر اس ایسا بہت کم ہوتا ہے کیونکہ آج کل لوگوں کے پاس اپنا خیال رکھنے کا وقت کم ہی ہوتا ہے لیکن۔۔ روزانہ ایک چھوٹا چمچ سونٹھ آپ کی بڑی مشکلیں آسان کرسکتا ہے ۔ چونکہ سونٹھ میں اینٹی آکسیڈنٹس پائے جاتے ہیں اس کے علاوہ بیٹا کیروٹن، ایسکوربک ایسڈ، فائبرز اور پروٹینز پائے جاتے ہیں جو کہ ہمیں مخلتف صحت اور بیوٹی کے مسائل میں فائدہ دیتے ہیں۔

٭ بالوں کے لئے:
اگر آپ چاہتے ہیں کہ آپ کے بال گرنا بند ہو جائیں ۔ یہ لمبے، گھنے اور چمکدار نظر آئیں تو ایک چمچ سونٹھ کو دو چمچ ناریل کے تیل میں مکس کرکے بالوں میں لیپ بنا کر لگا لیں اور آدھے گھنٹے بعد دھو لیں۔ یہ روزانہ استعمال کریں اس کا کوئی نقصان نہیں بلکہ آپ کے بالوں میں خشکی بھی ختم ہو جائے گی اور جوئیں بھی بھاگ جائیں گی۔

٭ ایکنی کے لئے:
چہرے پر ایکنی کی وجہ سے پریشان ہیں تو ایک چمچ سونٹھ میں ایک چمچ دودھ مکس کریں اور چہرے پر لگا لیں اور بیس منٹ بعد دھو لیں، یہ ایک اچھا ٹونر بھی ہے اور ایکنی کو ختم کرنے کا سستا علاج بھی ہے۔

٭ کلینزنگ:
یہ ایک اچھا کلینزر بھی ہے اس لئے اگر آپ سونٹھ کے پانی سے جسم کو دھوئیں تو یہ باڈی کلینزنگ کا کام کرتا ہے اور اس کی مدد سے جسم پر موجود مختلف قسم کے داغ دھبے بھی باآسانی صاف ہو جاتے ہیں۔