اس سے زیادہ سچی اور اچھی ویڈیو نہیں دیکھی ۔۔ اسماء عباس اور زارا نور عباس کی اسکن کیئر پروڈکٹس کی ویڈیو نے مداحوں کے دل جیت لیئے

اسماء عباس اور زارا نور عباس ایک باصلاحیت ماں بیٹی کی جوڑی ہیں۔ عاصمہ عباس 20 سال کے طویل وقفے کے بعد انڈسٹری میں واپس آئیں اور پھر بھی پاکستان کی بہترین اداکاراؤں میں سرفہرست مقام حاصل کرنے میں کامیاب رہیں جب کہ زارا نور عباس ہر گزرتے دن کے ساتھ اپنی صلاحیتوں کا لوہا منوا رہی ہیں۔

اسکن کیئر کو آج کل مجموعی فلاح و بہبود کا ایک اہم حصہ سمجھا جاتا ہے اور بہت سے نوجوان اس طریقہ کار کی پیروی کرتے ہیں۔ اسکن کیئر کے بڑھتے ہوئے رجحان کی پیروی کرتے ہوئے، زارا اور اسماء نے بھی اپنی ایک ویڈیو بنانے کا فیصلہ کیا جو کہ ایک مزاحیہ حقیقت بن گئی۔

ہوا کچھ یوں کہ اسکن کیئر کے نام پر اسماء عباس صرف وٹامن ای کے تیل کی بوتل لے کر آئیں، وہ واحد چیز جو وہ برسوں سے اپنی خشک جلد کے لیے استعمال کر رہی ہیں اور یہ سب ان کی جلد کی دیکھ بھال کے لیے تھا۔ وہ کوئی فیس واش یا صابن بھی استعمال نہیں کرتیں۔

دوسری طرف زارا نور نیٹ پر دیکھ کر بہت سارے پروڈکٹس لے لائیں جن میں سے آدھوں کے بارے میں تو انہیں علم بھی نہیں تھا کہ وہ کیا کام کرتے ہیں۔ ماں بیٹی کی جوڑی مزاحیہ انداز میں سب کچھ لگاتی رہی اور محسوس کیا کہ شاید وہ ان پر کام نہیں کر رہی ہیں۔

لوگوں نے اس حقیقت پسندانہ اسکن کیئر ویڈیو کو پسند کیا اور اس نے یقینی طور پر مداحوں کے دل جیت لیے۔ ان کا کہنا تھا کہ اس سے اچھی اور سچی ویڈیو ہم نے آج تک نہیں دیکھی، یہ بغیر کسی فلٹر کے بنائی گئی ہے۔