سیب کا سرکہ شوگر کے مریضوں کے لئے کس طرح مفید ہے؟ جانیئے اس کے فوائد اور طریقہ استعمال

کچھ تحقیقات میں یہ بات سامنے آئی ہے کہ سیب کا سرکہ ذیابطیس کو کم کرنے میں کردار ادا کر سکتا ہے، سیب کا سرکہ جسم میں کاربوہائیڈریٹ اور میٹابولزم کو فروغ دیتا ہے، جس سے ذیابطیس کو کم کرنے میں مدد مل سکتی ہے۔

• سیب کا سرکہ اور ذیابطیس

تحقیقات کے مطابق ماہرین کا کہنا ہے کہ سیب کا سرکہ آپ کے خون سے منفی کولیسٹرول کو گھٹا کر مثبت کولیسٹرول کی سطح میں اضافہ کرتا ہے ایک اور تحقیق میں یہ بات بھی سامنے آئی ہے کہ سیب کا سرکہ ٹائپ 2 ذیابطیس کی صورت میں بلڈ شوگر اور انسولین کی سطح کو کنٹرول کر سکتا ہے۔

شوگر کنٹرول کرنے کے لئے سیب کا سرکہ کس طرح استعمال کیا جائے؟

• سیب کا سرکہ اور پانی

ایک گلاس پانی میں ایک چائے کا چمچ سیب کا سرکہ ملائیں اور یہ پانی پی لیں، اس کا استعمال روزانہ دن میں صرف ایک مرتبہ کریں۔

• سیب کا سرکہ اور شہد

سیب کا سرکہ آنتوں پر منفی اثرات بھی پیدا کر سکتا ہے اس لئے اسے پانی میں حل کر کے پینا بہت ضروری ہے کبھی بھی اس کا براہِ راست استعمال نہ کریں ایک کپ پانی میں ایک چائے کا چمچ سیب کا سرکہ اور ایک چمچ شہد ملا کر بھی پیا جا سکتا ہے، اس سے بھی شوگر کنٹرول کی جا سکتی ہے۔

• سیب کے سرکے کے دیگر فوائد

سیب کا سرکہ اگر پانی میں ملا کر روزانہ نہار منہ پیا جائے تو یہ تیزی سے وزن بھی کم سکتا ہے، اس سے یورک ایسڈ کا خاتمہ بھی ممکن ہے، سیب کا سرکہ خون سے فاسد مادوں کو ختم کرنے کے لئے بھی بہترین ہے، یہ گلے کے درد اور سوزش کو دور کرنے کی بھی صلاحیت رکھتا ہے۔