انھوں نے مجھے ذلیل کیا تھا.. کوئی بھی فرشتہ نہیں ہوتا! ندا یاسر نے رابعہ انعم کو اپنے شو میں نہ بلانے کی وجہ بتادی

"رابعہ انعم نے مجھے ذلیل کیا تھا. اگر انھیں دوسرے مہمان کے ساتھ بیٹھنا گوارا نہیں تھا تو وہ میک اپ روم میں مجھ سے رابطہ کرتیں یا شو سے پہلے چلی جاتیں. اس طرح دوران شو اٹھ کر جانا میری بے عزتی کرنا تھا اس لئے میں انھیں دوبارہ شو میں نہیں بلاتی"

یہ کہنا ہے معروف ٹی وی میزبان ندا یاسر کا جنھوں نے احمد بٹ کے پوڈکاسٹ میں رابعہ انعم کے رویے کے متعلق بات کی.

ندا کا کہنا ہے کہ رابعہ نے وہ حرکت سوچ سمجھ کر کی تھی اور انھیں ایسا نہیں کرنا چاہیے تھا۔ ندا یاسر کا کہنا تھا کہ "کوئی بھی فرشتہ نہیں ہوتا نہ ہی ہر کسی کی چیزیں وائرل ہوجاتی ہیں تو اگر کسی نے اپنی والدہ یا بیوی سے مس بی ہیو کیا ہے تو میں اس پر لعن طعن کرنے والی کوئی نہیں ہوتی."

ندا نے مزید کہا کہ بحیثیت میزبان میرا کام ہے کہ اپنے مہمانوں کو عزت دوں اور ان کے کام کے حوالے سے بات کروں. مہمان کو بلا کر بے عزت کرنا میرا کام نہیں ہے اسی طرح مہمان کو بھی چاہیے کہ دوسرے مہمان کی عزت کرے اور اگر اسے کوئی مسئلہ ہے تو شو سے پہلے ہی چلا جائے.

واضح رہے کہ کچھ عرصہ پہلے رابعہ انعم، ندا یاسر کے شو کے درمیان سے اٹھ کر چلی گئیں تھیں ان کا کہنا تھا کہ وہ شو میں بلائے گئے دوسرے مہمان محسن عباس حیدر کے ساتھ بیٹھنا گوارا نہیں کریں گی کیونکہ ان پر اپنی بیوی پر تشدد کرنے کا الزام ہے