20 لاکھ یا 2 کروڑ۔۔ ربیکا خان کا حق مہر کتنا تھا؟ نکاح خواں کی ویڈٰیو نے سوشل میڈیا صارفین کو دنگ کر دیا

Rabeeca Khan Haq Mehar Shocked Everyone On Nikkah

پاکستانی سوشل میڈیا کی شہزادی ربیکا خان آخرکار اپنی دیرینہ محبت حسین ترین کی دلہن بن گئیں، اور دونوں کا نکاح ایک شاندار تقریب میں انجام پایا۔ جہاں نکاح کی تصاویر اور ویڈیوز نے انٹرنیٹ پر دھوم مچا دی، وہیں ایک خاص بات سب کی توجہ کا مرکز بن گئی جو تھی ان کا حق مہر۔

اس خوابناک تقریب میں ربیکا نے کاشیز کا تیار کردہ سرخ و چاندی لہنگا چولی زیب تن کیا، جس پر چمکدار کٹ دانے اور چاندی کے سیکوئنس کا خوبصورت کام کیا گیا تھا۔ ہر زاویے سے وہ ایک مکمل دلہن لگ رہی تھیں۔ حسین ترین بھی سفید شیروانی میں دلوں کو بھا گئے، لیکن ان کی آنکھوں میں جھلکتی نمی نے سب کو جذباتی کر دیا۔ نکاح کے لمحات کو قید کرنے والی ویڈیو میں دیکھا جا سکتا ہے کہ وہ ربیکا کو قبول کرتے ہوئے آبدیدہ ہو گئے۔

اب آتے ہیں اصل دھماکے پر! مولوی صاحب نے نکاح کے دوران حق مہر "بیس لاکھ روپے" بتایا — لیکن پھر بولے، دو کروڑ گواہان۔

بس! سوشل میڈیا پر جیسے تبصروں کا طوفان آ گیا۔

ایک صارف نے حیرانی سے پوچھا، کیا واقعی دو کروڑ حق مہر ہے یا دو کروڑ گواہ؟

تو ایک اور صارف نے برجستہ تبصرہ کیا، لگتا ہے ربیکا کے سارے فالوورز کو گواہ مان لیا گیا ہے۔

کچھ صارفین نے وضاحت پیش کی کہ حق مہر تو صرف بیس لاکھ ہے، مولوی صاحب نے دو کروڑ گواہوں کی بات مذاقاً یا علامتی طور پر کی تھی، جو بعد میں ویڈیو میں الگ معنی اختیار کر گئی۔

جہاں ربیکا کی شادی کا ہر لمحہ شاہی انداز لیے ہوئے تھا، وہیں سوشل میڈیا پر یہ نکاح صرف رشتہ نہیں، ایک وائرل سینسیشن بن چکا ہے۔

تو کیا آپ بھی ان "دو کروڑ گواہوں" میں سے ایک ہیں؟