عمر شہزاد کی دلہن کا نام کیا ہے اور کیا کام کرتی ہیں؟ دلچسپ معلومات سامنے آگئیں

Who Is Omer Shahzad Wife Details

پاکستان کے مشہور ماڈل اور اداکار عمر شہزاد نے اپنی زندگی کے نئے سفر کا آغاز کر دیا! وہ نہ صرف اپنی اداکاری اور ماڈلنگ بلکہ اپنی فٹنس اور سریلی آواز کی وجہ سے بھی مشہور ہیں۔ ریئلٹی شو "تماشا" میں ان کی پرسکون طبیعت نے بھی مداحوں کو خوب متاثر کیا تھا۔ تاہم، اب انہوں نے سب کو حیران کر دیا جب انہوں نے مکہ مکرمہ سے ایک تصویر شیئر کی اور اپنے نکاح کا اعلان کر دیا۔

یہ سوال ہر کسی کے ذہن میں گردش کر رہا تھا اور مداح بےچینی سے ان کی دلہن کے بارے میں جاننا چاہتے تھے۔ کل عمر شہزاد اور ان کی اہلیہ نے چہرہ ظاہر کرنے والی تصویر شیئر کی جو دیکھتے ہی دیکھتے سوشل میڈیا پر وائرل ہوگئی۔

عمر شہزاد کی زندگی کی ہمسفر کا نام "شانزے لودھی" ہے۔ اگرچہ ان کے بارے میں زیادہ تفصیلات سامنے نہیں آئی ہیں، لیکن یہ ضرور معلوم ہوا ہے کہ وہ ماڈلنگ انڈسٹری سے وابستہ ہیں۔ شادی کے بعد ان کے مختلف فوٹو شوٹس سوشل میڈیا پر گردش کر رہے ہیں، اور وہ اپنی نئی زندگی کی شروعات پر دوستوں اور ساتھیوں کی نیک تمناؤں کا شکریہ ادا کر رہی ہیں۔