والدہ مسلمان تھیں، ان کے لیے آج بھی روزے رکھ رہا ہوں۔۔ مشہور بھارتی اداکار اپنا مذہب چھوڑ کر رمضان کے روزے رکھتے ہیں

مشہور اداکاروں کی زندگی میں ایسے کئی لمحات آتے ہیں، جن کی وجہ سے وہ سب کی توجہ حاصل کر لیتے ہیں، ایسے ہی کچھ اداکار رمضان کی وجہ سے بھی خوب وائرل ہو رہے ہیں۔

ورون دھون:

مشہور بھارتی اداکار ورون دھون کا شمار بھارت کے ان چند اداکاروں میں ہوتا ہے، جو کہ اگرچہ اُس طرح شہرت تو حاصل نہ کر سکے ہیں، تاہم جدوجہد میں ضرور لگے ہیں۔
لیکن بہت کم لوگ جانتے ہیں کہ اداکار نے رمضان کا پہلا روزہ رکھا، بھارتی ویب سائٹ BollywoodLife.com کے مطابق ورن دھون نے اپنے جم ٹرینر اور دوستوں کے ساتھ جو کہ مسلمان ہیں، ان کے ساتھ پہلا روزہ رکھا۔اداکار کی جانب سے اس عمل کے بعد ان کے مسلمان مداحوں کی جانب سے انہیں سراہا جا رہا تھا۔

کرینہ کپور:

اداکارہ کرینہ کپور اگرچہ رمضان کے روزے تو نہیں رکھتی ہیں، لیکن وہ اب ایک مسلمان گھرانے کی بہو ضرور بن چکی ہیں۔جس کے بعد کرینہ سحری اور افطاری کے اوقات کا علم ضرور ہو چکا ہوگا۔

شبانہ اعظمیٰ:

بالی ووڈ اداکارہ شبانہ اعظمیٰ نے بھی اس وقت سب کی توجہ حاصل کی جب انہوں نے رمضان سے متعلق دلچسپ اظہار خیال کیا۔ اگرچہ اداکارہ مسلمان ہیں، تاہم وہ مذہبی نہیں ہیں۔
شبانہ بتاتی ہیں کہ ایک سچے مسلمان کی طرح مجھ میں بھی خدا کا خوف ہے اور میں اپنے اللہ میاں کو دھوکہ نہیں دے سکتی۔ میں نماز بھی پڑھتی ہوں، روزہ بھی رکھتی ہوں، زکوٰۃ اور فطرہ بھی دیتی ہوں۔

عالیہ کے والد:

عالیہ بھٹ کا تعلق بھی ایک مسلمان گھرانے سے ہے، کیونکہ ان کی دادی مسلمان تھیں، یہی وجہ ہے کہ عالیہ کے والد یعنی مہیش بھٹ اپنی والدہ سے بے حد لگاؤ رکھتے تھے اور ان کے روزہ بھی رکھتے۔والدہ کے انتقال کے بعد 1998 سے لے آج تک مہیش بھٹ کا دعویٰ ہے کہ وہ اپنی والدہ کے لیے روزہ رکھ رہے ہیں۔

سنجے دت:

سنجے دت نے اگرچہ روزہ تو نہیں رکھا مگر مسلمانوں کے ہمراہ روزہ افطار ضرور کیا ہے۔مسلمان ماں کے بیٹے سنجے دت نے اس وقت سب کی توجہ حاصل کی جب دبئی میں انہوں نے سال 2017 میں روزہ افطار کیا تھا، اگرچہ ان کا روزہ تو نہ تھا مگر افطار ضرور کیا۔ دوسری جانب اداکار بالی ووڈ ستاروں کو اپنی افطار پارٹی میں بھی مدعو کر چکے ہیں، جس میں وہ خود روزہ افطار کرتے دکھائی دیے۔