بیوی کو طلاق دینے کے لئے دھمکی بھی دی۔۔ ثنا جاوید کی شعیب ملک سے شادی کی نئی کہانی سامنے آگئی

“ثنا جاوید کوطلاق دینے کے لئے عمیر جسوال کو دھمکیاں دی گئیں اور انھیں ایک نامعلوم جگہ پر بلا کر بٹھایا اور سمجھایا گیا کہ باعزت طریقے سے اس معاملے کو ختم کر دیں جس کے بعد عمیر نے طلاق کے کاغذات پر دستخط کر دیئے۔ جب سے ثنا کی دوسری شادی کی خبر آئی ہے عمیر کو فونکالز کی جارہی ہیں مگر ان کا ذاتی نمبر بند ہے، واٹس ایپ پر بھی رابطہ نہیں ہو پا رہا“

یہ دعویٰ کیا گیا ہے ایک نجی چینل پر جنھوں نے شعیب اور ثنا کی شادی کا نیا رخ پیش کیا ہے۔ سچائی تو وقت گزرنے کے ساتھ سامنے آ ہی جائے گی۔ عمیر جسوال اگرچہ کسی سے رابطے میں نہیں لیکن اپنے انسٹاگرام اکاؤنٹ پر مسلسل تصاویر اور ویڈیوز شئیر کررہے ہیں۔ عمیر عمرہ کی ادائیگی کرنے کے بعد اس وقت گھومنے پھرنے میں مگن ہیں اور ساتھ ہی اپنی باڈی بلڈنگ کی اسٹوریز بھی شئیر کرتے رہتے ہیں۔

اس صورت حال میں شعیب ملک کی سابقہ اہلیہ ثانیہ اور عمیر جسوال کو عوام کی بہت زیادہ حمایت حاصل رہی۔ جہاں لوگوں نے شعیب ملک کو دوسری شادی پر مبارکباد دی وہیں احمد علی بٹ نے عمیر کو سپورٹ کرتے ہوئے لکھا کہ “ میرے بھائی عمیر تمھاراے پاس سونے کا دل ہے اور تم بہت اچھے انسان ہو۔ ہم سب کی زندگی میں مشکلات آتی ہیں لیکن ہمیں ہمت کرکے اُس آزمائش سے سیکھنے اور آگے بڑھنے کی ضرورت ہوتی ہے۔ میرے بھائی عمیر! اللہ آپ کو اور آپ کے خاندان کو ہمیشہ خوش رکھے“