شرم کی وجہ سے بچوں کو نہیں بتایا کہ کیا کام کرتا ہوں۔۔ 3 بیٹیوں کو پڑھانے لکھانے والا یہ شخص کون سی نوکری کرتا رہا؟

"شرم کی وجہ سے بچوں کو نہیں بتایا کہ کیا کام کرتا ہوں۔۔ 3 بیٹیوں کو پڑھایا لکھایا ان کو اچھی زندگی دینے کے لئے وہ سب کیا کو کرسکتا تھا۔ یہاں تک کہ ان کی عزت کی خاطر کبھی یہ بھی نہیں بتایا کہ کیا کام کرتا ہوں۔"

یہ الفاظ ایک ایسے غریب باپ کے ہیں جو سارا دن محنت مزدوری کرتا تھا مگر نہ تو اتنے پیسے جمع کرپاتا تھا کہ بچوں کی ضروریات پوری کرسکے نا ہی وہ اپنے کام کے بارے میں کسی کو بتا سکتا تھا اس کی وجہ یہ تھی کہ وہ اپنے بچوں کو شرم سے بچانا چاہتا تھا۔

یہ غریب شخص دراصل نالے اور گٹر صاف کرنے کا کام کرتا تھا۔ اسی کام کے زریعے اس نے اپنی تینوں بیٹیوں کو پالا پوسا اور پڑھا لکھایا مگر اپنے کام کے بارے میں انھیں کبھی نہیں بتایا۔ اس غریب باپ کا کہنا تھا کہ میں نہیں چاہتا تھا کہ میری بیٹیوں کا سر شرم سے جھکے۔ اس لئے بیٹیوں کے سوال پر انھیں ٹال دیتا تھا اور کام کر کے ہمیشہ نہا دھو کے گھر جاتا تھا۔

جب بیٹی کی کالج کی فیس دینے کے پیسے نہیں تھے تو۔۔ایک بار ایسا بھی ہوا کہ بڑی بیٹی کے کالج کی فیس جمع کروانی تھی مگر اس آدمی کے پاس پیسے نہیں تھے۔ اس وقت اس کے باقی گٹر صاف کرنے والے ساتھیوں نے اپنی دن بھر کی کمائی دوست کے ہاتھ پر رکھ دی تاکہ وہ بیٹی کے کالج کی فیس دے سکے۔ اس غریب شخص کا کہنا ہے کہ ہماری مجبوریاں تو ہوتی ہیں مگر غریب کا دل بہت بڑا ہوتا ہے۔

باپ ہمارا ہیرو

اب اگرچہ اس شخص کی بیٹیاں پڑھ لکھ گئی ہیں اور انھیں اپنے باپ کی محنت کا بھی علم ہوگیا ہے۔ وہ اپنے باپ پر فخر کرتی ہیں اور انھیں ہیرو قرار دیتی ہیں۔