قیمتی اشیاء سے اسکریچ ختم کرنے کے آزمودہ طریقے

ذرا سی لاپرواہی یا حرکت آپ کی پسندیدہ چیزوں کی سطح کر خراشیں یا اسکریچ ڈالنے کا باعث بن سکتی ہیں۔

تاہم اس کے لیے زیادہ پریشان ہونے کی ضرورت نہیں اور نہ ہی بہت زیادہ خرچہ کرنے۔

آپ آسانی سے کئی اشیاءکی سطح پر موجود خراشوں کو گھریلو استعمال کی اشیاءیا فوڈز وغیرہ سے دور کرسکتے ہیں۔
جن میں سے کچھ درج ذیل ہیں۔

گاڑی کی سطح پر خراشیں
ایک کپڑے کو ناریل کے تیل میں بھگوئیں اور پھر گاڑی پر اچھی طرح پھیریں خاص طور پر وہ مقامات جہاں خراشیں موجود ہو، اس عمل سے وہ خراشیں لوگوں کی نظروں میں زیادہ نمایاں نہیں ہوں گی۔ اسی طرح ٹوتھ پیسٹ کو بھی اس مقصد کے لیے استعمال کیا جاسکتا ہے۔

Shisha Saaf Karne Ka Tarika

شیشے کی سطح یا اسمارٹ فون پر خراشیں
اسمارٹ فونز کی اسکرین بہت جلدی خراشوں سے بھرجاتی ہے خاص طور پر اگر ان پر حفاظتی تہہ نہ ہو، تاہم اگر آپ کو یہ مسئلہ درپیش ہے تو تھوڑا سا ٹوتھ پیسٹ ایک صاف کپڑے پر لگائیں اور احتیاط کے ساتھ اسکرین پر موجود خراشوں پر رگڑیں، اس کے بعد ٹوتھ پیسٹ کو صاف کرکے اسکرین کو کپڑے سے خشک کرلیں۔اسی طرح اگر ونڈ شیلڈ پر بھی خراشیں پڑ گئی ہیں وہاں بھی یہ نسخہ کارآمد ثابت ہوگا۔

چمڑے کی اشیاء
پڑھنے اور سننے میں یہ کوئی مذاق لگتا ہوگا مگر کیلے کے چھلکے کے ذریعے آپ اپنے چمڑے کے جوتوں کی اصل چمک کو پھر سے واپس لاسکتے ہیں۔ سب سے پہلے تو آپ چھلکے کے اندر سے کیلے کے ذرات کو ختم کریں اور پھر اس کے اندرونی حصے کو جوتوں پر رگڑنا شروع کریں۔ جب آپ یہ کام کرلیں تو پھر جوتے کو کسی نرم کپڑے سے صاف کریں۔ آپ اس کی چمک دمک دیکھ کر حیران رہ جائیں گے اور اس تیکنیک کو چمڑے کے فرنیچر پر بھی آزمایا جاسکتا ہے تاہم پہلے کسی چھوٹے حصے پر اس کو آزما کر دیکھیں اس کے بعد کسی بڑی کرسی پر کام کرنے کا سوچیں۔اسی طرح ویجیٹیبل آئل یا بے بی آئل کو بھی خراشوں والی سطح پر روئی سے لگائیں اور پھر ہاتھ کو گول گھماتے ہوئے اسے رگڑیں، خشک ہونے کے بعد تیل کو صاف کپڑے سے پونچھ دیں، ضرورت پڑے تو یہی عمل دوبارہ دہرائیں۔

Furniture Saaf Karne Ka Tarika in Urdu

لکڑی کی خراشیں
آپ اخروٹ کو اس کے چھلکے سے نکالیں اور پھر اسے لکڑی کے فرنیچر کی خراشوں پر رگڑیں،اس کے بعد خراشوں کے اوپر اپنی انگلی پھیریں تاکہ اخروٹ سے نکلنے والا تیل اس میں داخل ہوسکے، پھر پانچ منٹ تک استعمال کریں اور آخر میں ایک نرم کپڑے سے اس جگہ کر رگڑیں اور آپ یہ دیکھ کر حیران رہ جائیں گے کہ لکڑی کا وہ حصہ خراش سے پاک ہوگیا ہے۔

اسٹین لیس اسٹیل کی خراشیں
زیتون کے تیل کی کچھ مقدار کپڑے پر لگا کر اسٹین لیس اسٹیل کی مصنوعات کو پالش کیا جاسکتا ہے، جو بالکل نئے کی طرح چمکنے لگتے ہیں اور اس سے آپ کچن سنک کو بھی جگمگا سکتے ہیں۔

We are sharing some simple tips to remove scratches from various kinds of objects. We will tell you how to clean scratches from wood, stainless steel, furniture, glass, smartphones and car body. And all these tips use common foods which are almost available in our kitchen or refrigerator.

Carry one reading and after reading this article you would be a cleaning champ.

Following are the top 5 scratch removing tips and techniques in Urdu.

By Humayun    |    In Tips and Totkay   |    0 Comments    |    36275 Views    |    01 Apr 2019

Comments/Ask Question

Read Blog about قیمتی اشیاء سے اسکریچ ختم کرنے کے آزمودہ طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (قیمتی اشیاء سے اسکریچ ختم کرنے کے آزمودہ طریقے) and how to utilize other natural ingredients to cure diseases, easy recipes, and other information related to food from KFoods.