شوہر کی دوسری شادی پر قیمتی گاڑی کا تحفہ کیوں دیا؟ پہلی بیوی کا ایسا عمل جس نے لوگوں کے دل جیت لئے

شوہر دوسری شادی کر لے تو بیویاں رونے دھونے سے لے کر خلع لینے کی دھمکیاں بھی دے ڈالتی ہیں. جو اس کی طاقت نہیں رکھتیں وہ چپ.تو ہوجاتی ہیں لیکن شوہر کے اس عمل اور سوتن کو دل سے قبول نہیں کرتیں. البتہ سعودی عرب میں ایک خاتون نے شوہر کو دوسری شادی پر نہ صرف مبارکباد دی بلکہ قیمتی تحفہ بھی دے ڈالا.

ویڈیو میں دیکھا جاسکتا ہے کہ محبت کرنے والی وفا شعار بیوی نے 2024 کے ماڈل کی نئی کار تو شوہر کو تحفے میں دی ساتھ ہی ایک خوبصورت پیغام بھی بھیجا.

بین الاقوامی میڈیا کے مطابق پہلی بیگم نے پیغام میں لکھا کہ "آپ نے میرے ساتھ اچھی زندگی گزاری، اللہ کا شکر ادا کرتی ہوں جس نے آپ جیسے معزز ترین شخص کو میرا خاوند بنایا، آرزو تھی کہ آج کے دن میں آپ کے ساتھ رہوں تاہم اس موقع پر بس یہی کہہ سکتی ہوں کہ اللہ تعالی آپ کو کامیابی سے نوازے. آپ کی پیاری بیوی"

عرب میڈیا کا کہنا ہے کہ جب بیوی سے اس حیرت انگیز رویے کی وجہ پوچھی گئی تو ان کا کہنا تھا کہ ان کے شوہر نے کوئی برا کام نہیں کیا اور کوئی کچھ بھی کہے وہ اپنے شوہر کی خوشی میں خوش ہیں.

سوشل میڈیا پر یہ خبر تیزی سے وائرل ہورہی ہے اور جہاں کچھ لوگ اس حیرت انگیز واقعے کو سچ ماننے سے انکاری ہیں وہیں کچھ لوگ بیوی کے اس عمل کو سراہ بھی رہے ہیں.