امجد صابری بغیر بتائے میرا رشتہ لے گئے، پھر۔۔ سعود کی شادی سے پہلے کتنا ہنگامہ ہوا؟ اداکار نے سب بتا دیا

Saud Shares His Funny Proposal Story

سعود قاسم نے حالیہ انٹرویو میں، جو انہوں نے اُشنا شاہ کے شو آفٹر آورز میں دیا، اپنی شادی کی دلچسپ کہانی سنائی۔

انہوں نے بتایا کہ ایک پروگرام میں ان کی بہن نے پہلی بار جویریہ کو دیکھا اور انہیں دکھایا۔ اُس وقت انہیں معلوم ہی نہیں تھا کہ جویریہ بھی ٹی وی اداکارہ ہیں۔

سعود نے مزاحیہ انداز میں بتایا کہ اس تقریب میں اداکار جان ریمبو بھی موجود تھے، اور جب انہوں نے جویریہ کی طرف اشارہ کیا تو ریمبو نے غلطی سے سینئر اداکارہ غزالہ جاوید کو دیکھ لیا، کیونکہ دونوں نے سیاہ لباس پہنا تھا۔ ریمبو فوراً بولے، تم پاگل ہو گئے ہو؟ کیا اس سے شادی کرو گے؟ سعود نے ہنستے ہوئے پوچھا، اس میں کیا برائی ہے؟ لیکن پھر جب اصل جویریہ کو دکھایا تو تو وہ خوش ہوئے اور کہا، اب ٹھیک ہے۔

کچھ دن بعد امجد صابری مجھ سے ملنے آئے اور پوچھا کہ کس لڑکی کو پسند کیا ہے، میرے بتانے پر وہ بغیر کچھ کہے جویریہ کے گھر میرا رشتہ لے کر پہنچ گئے، پھر میرے بریگیڈیئر دوست حارث نواز بھی اسی مقصد کے لیے ان کے گھر جا پہنچے۔ آخرکار اس سلسلے کو روکنے کے لیئے میں، ریمبو، اور شان آدھی رات کولاہور جا پہنچے اور سیدھا جویریہ کے گھر باقاعدہ رشتہ لے کر گئے۔

ان کی شادی کی کہانی سن کر میزبان اشنا شاہ بھی حیران رہ گئیں اور کہنے لگیں یہ تو بلکل فلمی سین کی طرح ہوگیا، جس پر سعود ہنس دیئے۔

شادی کے بعد کی زندگی پر بات کرتے ہوئے سعود نے کہا، ہماری شادی کو بیس سال ہو چکے ہیں۔ کامیاب ازدواجی زندگی کا راز یہی ہے کہ جب ایک غصے میں ہو تو دوسرا خاموش رہے اور یہ اصول مرد اور عورت دونوں پر لاگو ہوتا ہے۔ ان کے مطابق، بچوں کے آنے کے بعد ترجیحات خود بخود بدل جاتی ہیں اور زندگی کا توازن قائم ہو جاتا ہے۔