سارا مجھ سے 12 سال چھوٹی ہے۔۔ فلک شبیر اور سارا کی نجی زندگی سے متعلق چند دلچسپ باتیں

یہ کہنا ہے فلک شبیر کا جو آئے روز اپنی کسی نہ کسی بات کی وجہ سے سوشل میڈیا پر چھائے رہتے ہیں۔ کبھی بیگم کو پھول دیتے نظر آتے ہیں تو کبھی اپنی ننھی منی بیٹی کو سلاتے ہیں۔ اس بار فلک شبیر نے مداحوں کے ساتھ اپنے انسٹاگرام پر سوال جواب کا سیشن رکھا جس میں مداح ان سے کوئی بھی سوال پوچھ سکتے تھے اور فلک کو ان کا جواب دینا تھا تو دیکھتے ہیں لوگوں نے فلک سے کیا سوال کیے۔

بیوی پر کبھی غصہ نہیں کروں گا

ایک فین نے فلک سے پوچھا کہ آپ سارا پر کتنا غصہ کرتے ہیں؟ اس سوال کے جواب میں فلک کا کہنا تھا کہ “وہ اتنی معصوم سی ہے کہ اس پر غصہ آج تک آیا ہی نہیں اور نہ ہی کبھی کروں گا انشاء اللہ“ اسی طرح سارا کو پھول دینے کے سوال کے جواب میں فلک نے بتایا کہ وہ اپنی بیگم کو گلا تو آج بھی دیتے ہیں لیکن اب سوشل میڈیا پر نہیں دکھاتے۔

سارا میرے بغیر کہیں نہیں جاتی

اپنی اور اپنی اہلیہ کے درمیان عمر کا فرق بتاتے ہوئے فلک کا کہنا تھا کہ سارا اور ان کی عمر میں تقریباً 12 یا 13 سال کا فرق ہے جبکہ صبور علی کی شادی میں شرکت نہ کرنے کی وجہ یہ بتائی کہ چونکہ وہ اپنے کنسرٹس میں مصروف تھے اور سارا ان کے بغیر کہیں نہیں جاتیں اس لئے وہ دونوں ہی شادی میں شریک نہیں ہوسکے۔ ایک سوال کے جواب میں فلک نے یہ بھی کہا کہ ان کے اور سارا کے درمیان سوری یا تھینک یو جیسے الفاظ نہیں چلتے۔