ہانیہ کو میں انڈسٹری میں لائی اور ۔۔ ریحام خان نے ہانیہ عامر کو شادی نہ کرنے کا مشورہ کیوں دے دیا؟

ریحام خان نے پاکستانی اداکارہ ہانیہ عامر کو شادی نہ کرنے کا مشورہ دے دیا۔

حال ہی میں ایک انٹرویو میں انہوں نے کہا کہ، ہانیہ عامر کو شادی کے بجائے کریئر پر توجہ دینی چاہیئے۔

پوڈکاسٹ میں ریحام نے مختلف امور پر بات کرتے ہوئے ہانیہ عامر سے متعلق پوچھے گئے سوالات کا جواب بھی دیا۔

ان کا کہنا تھا کہ، ہانیہ عامر کو میں نے دریافت کیا اور انڈسٹری میں لائی جس پر مجھے بہت فخر ہے۔ اور مجھے اس بات کی خوشی ہے کہ فلم جانان میں ہانیہ کو میں نے تجویز کیا تھا۔

ریحام نے ہانیہ کے بارے میں بتاتے ہوئے کہا کہ، وہ میرے بھانجے کی دوست تھی اور اس وقت صرف 17 سال کی تھی، میرے بھانجے نے مجھے اس کا ڈبمیش دکھایا جو مجھے بہت پسند آیا تھا، اس میں بہت ٹیلنٹ ہے اور وہ بہت جلد بالی ووڈ میں بھی نظر آئے گی اور میں جو سوچتی ہوں وہ ہو جاتا ہے۔

ان کی کامیابی کے حوالے سے ان کا کہنا تھا، ہانیہ نے اپنے گھر والوں کو سپورٹ کرنے کے لیے بہت محنت کی ہے، اگر وہ شادی کے بجائے اپنے کیریئر پر توجہ دے تو بہت آگے جائیں گی۔

ساتھ ہی انہوں نے یہ بھی واضح کر دیا کہ، اگر میں اس کو موقع نہ بھی دیتی تو کوئی اور دے دیتا کیونکہ وہ ایک ٹیلنٹڈ لڑکی ہے اور بہت اچھی اداکاری کرتی ہے۔