ایشوریہ سے شادی کرو تو نیک بچہ نہیں پیدا ہوگا.. عبدالرزاق کے بیان پر کھلاڑیوں سمیت عوام بھی آگ بگولہ ہوگئے! معافی مانگنے کے بعد بھی نہ بخشا

" معافی مانگتے ہوئے بھی عبدالرزاق اپنے رویے پر افسوس نہیں کر رہے بلکہ الٹا یہ کہہ رہے ہیں کہ میں کسی اور خاتون کی مثال دینا چاہتا تھا۔۔۔ یہ ان کی ذہنیت کی عکاسی کرتی ہے۔"

"عبدالرزاق پر تمام ٹی وی چینلز پر آنے پر پابندی لگائی جائے، وقت آ گیا ہے کہ ہم اپنے دیگر کرکٹرز کو بھی سبق دیں"

"عبدالرزاق اس سے پہلے بھی کرکٹر ندا ڈار کے بارے میں تضحیک آمیز لہجہ اختیار کرچکے ہیں۔ انھوں نے اس دوران بات کرتے ہوئے کہا تھا کہ ’آپ اِن سے ہاتھ ملا کر دیکھیں تو یہ لڑکی تو نہیں لگتیں۔ آپ بالوں کی کٹنگ ہی دیکھ لیں۔"

یہ اور اس طرح کے کئی کڑے تبصرے سابق کھلاڑی عبدالرزاق کے خلاف گزشتہ دو دن سے جاری ہیں. واضع رہے کہ دو دن پہلے کرکٹ کے ایک پروگرام میں دیگر کھلاڑیوں کے ساتھ بیٹھے ہوئے عبدالرزاق نے سابق ملکہ حسن اور بالی وڈ اداکارہ ایشوریہ رائے کے خلاف تضحیک آمیز الفاظ ادا کیے تھے. جس پر اس وقت ساتھ بیٹھے شاہد آفریدی اور عمر گل نے بھی تالیاں بجائیں تھیں. لیکن یہ کلپ سوشل میڈیا پر وائرل ہوتے ہی نہ صرف دیگر کھلاڑیوں پر تنقید کی گئی بلکہ عبدالرزاق کو بھی معافی مانگنی پڑی.

اپنی نئی ویڈیو میں عبدالرزاق کہتے ہیں کہ ’میری زبان پھسل گئی تھی۔ میں نے مثال کوئی اور دینا تھی مگر ایشوریہ جی کا نام منہ سے نکل گیا۔ میں اس پر معذرت کرتا ہوں اور میرا یہ مقصد نہیں تھا۔‘

اس ویڈیو کے بعد بھی صارفین کا غصہ کم نہیں ہورہا اور ول پچھلی مثالیں دے کر عورت کی توہین عبدالرزاق کی عادت قرار دے رہے ہیں. عوام کا مطالبہ ہے کہ آئندہ کسی شو میں انھیں منعقد نہ کیا جائے. جبکہ شاہد آفریدی اور عمر گل بھی عبدالرزاق کے بیان پر تالی بجانے کے باوجود اب ان پر تنقید کررہے ہیں