سونے کے تار سے شوہر کا نام لکھوا لیا.. پرینیتی چوپڑا نے شادی پر کتنا قیمتی لہنگا پہنا؟ قیمت سامنے آگئی

"ہمیں ناشتے کی میز پر بات چیت کے دوران ہی اندازہ ہوگیا تھا کہ ہم ایک دوسرے کے لئے ہی بنے ہیں۔ آخر کار میاں بیوی بن کر ہم کافی خوش ہیں"

شادی کے بعد پہلا پیغام جاری کرنے والی معروف بھارتی اداکارہ پرینیتی چوپڑا نے ساتھ ہی خوبصورت تصاویر بھی شئیر کیں۔ پرینیتی کو بھارتی سیاستدان اور پارلیمنٹ رکن راگھو چڈھا کے ساتھ دیکھا جاسکتا ہے۔

شادی کی تقریب روایتی ہندو انداز میں ہوئی جس میں پرینیتی نے معروف بھارتی ڈیزائنر منیش ملہوترا کا تیار کردہ عروسی لباس زیب تن کیا۔ واضح رہے کہ منیش کے جوڑوں کی قیمت کم سے کم 7 ہزار یو ایس ڈالر سے شروع ہوتی ہے جو پاکستانی 20 لاکھ بنتے ہیں۔ اس اعتبار سے پرینیتی کے عروسی جوڑے کی قیمت کا اندازہ لگایا جاسکتا ہے جس کی قیمت کئی لاکھ بنتی ہے۔

لباس کے ساتھ پرینیتی نے خصوصی گھونگھٹ بھی تیار کروایا تھا جس پربان کے شوہر راگھو کا نام لکھا ہوا تھا۔ بھارتی میڈیا کے مطابق سنہری حروف میں لکھا ہوا یہ نام سونے کے تاروں سے ہی لکھوایا گیا تھا۔

دوسری طرف راگھو بھی آف وائٹ روایتی شیروانی میں ملبوس دلہا بنے تھے۔ راگھو پرینیتی کی بارات کشتی پر لے کر گئے تھے