ڈاکٹر نے کہا زندہ نہیں بچوں گی.. 19 دن کوما میں تھی! نمرہ خان کا خوفناک ایکسیڈنٹ کس کی وجہ سے ہوا تھا؟ نیا انکشاف کردیا

"ڈاکٹروں نے جواب دے دیا تھا اور گھر والوں سے کہا تھا کہ میں زندہ نہیں بچوں گی اور اگر بچ بھی گئی تو کوما میں چلی جاؤں گی. میری داہنی ٹانگ 5 جگہ سے ٹوٹی تھی جبکہ جگر اور دماغ بھی متاثر ہوا تھا.

معروف اداکارہ نمرہ خان نے ماضی میں ہونے والے اپنے خطرناک روڈ حادثے سے متعلق پہلی بار کھل کر بات کرتے ہوئے انکشاف کیا ہے کہ حادثے کے بعد ڈاکٹرز نے ان کے اہل خانہ کو جواب دے دیا تھا کہ نمرہ نہیں بچ پائیں گی، کیوں کہ حادثے میں ان کا دماغ اور جگر بھی سخت متاثر ہوئے تھے۔ 4 دن وینٹی لیٹر اور پھر 19 دن کوما میں رہی"

یہ کہنا ہے نمرہ خان کا جو اپنے شوبز کیریئر کے آغاز میں 2014 میں ہی اسلام آباد کے قریب خطرناک روڈ حادثے کا شکار بنی تھیں. کئی سال بعد نمرہ خان نے ایک پوڈکاسٹ میں اس واقعے کے حوالے سے کھل کر بات کی۔

نمرہ خان نے انکشاف کیا کہ حادثہ ان کی اپنی غلطی کی وجہ سے ہی حادثہ ہوا تھا اور انہوں نے پیچھے سے فوجیوں کی گاڑی کو تیز رفتاری سے گاڑی ماری تھی جس کے بعد گاڑی کا اسٹیئرنگ ان کے سینے میں گھس گیا اور وہ ہوش کھو بیٹھیں.

نمرہ خان نے بتایا کہ فوجیوں کو بھی پہلے لگا کہ خودکش حملہ آوروں نے ان پر حملہ کیا ہے مگر جب انھوں نے مجھے دیکھا تو فوراً اسپتال پہنچایا. ان کی بروقت طبی امداد نے ہی مجھے بچا لیا.