سب سے زیادہ کوئی گھر لوٹا گیا ہے تو وہ ندا باجی کا ہے۔۔ کام والی کا قصہ سن سن کر صارفین کے کان پک گئے! ندا پر ہی برس پڑے

Netizens Troll Nida Yasir For Her Maid Stories

ندا یاسر ایک بار پھر خبروں میں ہیں، لیکن اس بار کسی مہمان کی وجہ سے نہیں بلکہ ایک پرانی اور دہرائی جانے والی کہانی کی وجہ سے۔

حال ہی میں نشر ہونے والے شو میں ندا نے ایک بار پھر اپنی نوکرانی کی جانب سے چوری کی روداد سنائی، اور اس بار اُن کے ساتھ بیٹھی تھیں اداکارائیں حنا رضوی، فہیمہ اعوان اور غزل صدیقی۔

ندا نے بتایا، جب میرے بچے چھوٹے تھے، ایک دوست کے کہنے پر ایک نوکرانی رکھی۔ اس کی ماں میری دوست کے گھر میں کام کرتی تھی۔ میری دوست کے بچوں کا اسکول میرے گھر کے قریب تھا، تو اُس نے کہا کہ اُس کی نوکرانی اسکول سے واپسی تک میرے گھر بیٹھ جایا کرے۔ میں نے فوراً ہاں کہہ دی۔ لیکن پھر آہستہ آہستہ میرے چمڑے کے جیکٹس اور قیمتی سامان غائب ہونے لگا۔ تب جا کر سمجھ آیا کہ کبھی کبھی انکار کرنا بھی سیکھنا چاہیے۔

بس پھر کیا تھا، سوشل میڈیا پر ایک بار پھر ندا کی نوکرانی والی کہانیوں کا طوفان آگیا۔

ایک صارف نے طنزیہ لکھا، ایسا شو ہونا چاہیے جس میں صرف ندا ہوں، اور وہ بتائیں اُن کے گھر کتنی بار چوری ہوئی ہے، ہر قسط میں نیا ڈکیتی نامہ۔

دوسرا بولا، کراچی میں اگر سب سے زیادہ کوئی گھر لوٹا گیا ہے تو وہ ندا باجی کا ہے۔

کسی نے مزید لکھا، جیسے ہی کسی عورت کا نوکرانی سے متعلق کوئی قصہ آتا ہے، ندا باجی کا ذہن فورا اپنا چوری والا واقعہ تازہ کرلیتا ہے۔

ایک فالوور نے ہنستے ہوئے کہا، ندا باجی بڑی مشکل سے صبح اٹھتی ہیں، نیند قربان کر کے کماتی ہیں— تو اُن کی کمائی یونہی غائب تو نہیں ہو سکتی نا۔

ایک اور نے کہا، ندا باجی اور اُن کی نوکرانیوں کی پیاری پیاری کہانیاں سن کر اب تو دل خوش ہو جاتا ہے۔

ندا یاسر جہاں ٹی وی کی مستقل چہرہ ہیں، وہیں اُن کے گھر کے چوری والے قصے بھی ناظرین کے لیے ایک مستقل تفریح بنتے جا رہے ہیں۔