میرے ساڑھے پندرہ بچے ہیں۔۔ مفتی طارق مسعود اپنی 4 بیویوں کو کیسے رکھتے ہیں؟ انٹرویو میں نئے راز بتادیے

“کچھ دن پہلے ہی میری چوتھی شادی ہوئی ہے۔ میرے ساڑھے پندرہ بچے ہیں جن میں دو بچے ایسے ہیں جو میری اہلیہ کے پہلی شادیوں سے ہوئے تھے۔ ان کی بھی پرورش کرتا ہوں۔ پہلی دو بیگمات طلاق یافتہ تھیں جبکہ آخر کی دو کنواری تھیں۔ میرا چوتھا سسرال کراچی میں ہی ہے“

یہ کہنا ہے معروف مذہبی اسکالر مفتی طارق مسعود کا جنھوں نے حافظ احمد کے پوڈکاسٹ میں انٹرویو دیتے ہوئے اپنی شادیوں اور نجی زندگی سے متعلق کئی راز بیان کیے۔

مفتی طارق مسعود کا کہنا ہے کہ رشتوں کی کمی عورتوں کو ہے مردوں کو نہیں ہے اس لئے مردوں سے کہتا ہوں کہ ایک سے زائد شادیاں کریں اور یہ شادیاں جہاد کی نیت سے کریں نہ کے مزے کی نیت سے۔ کیونکہ اس میں بہت ٹینشن ہے۔ ایک بیوی ہو تو اسے جواب دینا آسان ہوتا ہے لیکن ایک سے زائد بیویوں کے ساتھ انصاف کرنا مشکل ہوتا ہے۔ باہر دوست کے پاس بھی جاؤ تو بیوی کو لگتا ہے کہ دوسری بیوی کے پاس ہوگا۔ وہ دوسری کو زیادہ وقت دینے پر ناراض ہوجاتی ہے۔

اپنی 4 بیویوں کے ساتھ رہنے کے حوالے سے مفتی طارق نے بتایا کہ انھوں نے سب کو الگ الگ رکھا ہوا ہے۔ شروع کے 10 برس ان کے لئے کافی مشکل تھے لیکن اب کچھ ٹہراؤ آگیا ہے۔ ایسا بھی ہوا کہ بیویوں کو ایک ساتھ رہنا پڑا اور اس دوران ان کو سنبھالنا مشکل ہوجاتا تھا۔