19 ہزار میں کیسے گھر چلاؤں؟ ماورا حسین نے بھی غربت سے ستائے بوڑھے گارڈ کیلیئے آواز اٹھا دی، ویڈیو شئیر کرتے ہوئے کیا کہا؟

ماورا حسین ایک خوبصورت اور باصلاحیت اداکارہ ہیں، وہ ڈراموں اور فلموں میں اپنی شاندار اداکاری کیلیئے جانی جاتی ہیں۔ ماورا لائم لائٹ میں رہنا پسند نہیں کرتی اسلیئے وہ کبھی کبھار ہی کسی فنکشن وغیرہ میں نظر آتی ہیں، لیکن جب کسی مضبوط مدعے پر آواز اٹھانے کی بات آتی ہے تو وہ پچھے نہیں رہتی ہیں۔

ایسا ہی اس بار بھی ہوا۔۔ سوشل میڈیا پر ایک ضعیف شخص کی ویڈیو کافی وائرل ہورہی تھی جس میں ایک بوڑھے سیکیورٹی گارڈ سے اسکی ماہانہ تنخواہ کے بارے میں پوچھا گیا، جس پر اس نے کہا کہ میری تنخواہ 19 ہزار روپے ہے جبکہ کام کرنے کا دورانیہ 12 گھنٹے ہے۔ ایسے میں گھر کا خرچہ اتنے کم پیسوں میں کیسے چلاؤں۔

یہ ویڈیو جب ماورا حسین نے دیکھی تو اسے شیئر کیا اور ساتھ ہی لکھا کہ، 19 ہزار روپے ماہانہ بہت کم ہے ایک مزدور گھر چلانے والے شخص کیلیئے، برائے مہربانی ایسے لوگوں کے ساتھ انصاف کریں اور انہیں مناسب تنخواہ دیں تاکہ وہ اپنا گزر بسر کر سکیں۔

ماورا حسین نے سب سے گزارش کی کہ وہ اپنے اردگرد ضرورت مندوں کا خیال رکھیں اس دوران، جو ہمارے ملک کے لیے ممکنہ طور پر بدترین معاشی بحران رہا ہے۔ انہوں نے ہر ایک سے مالی اور جذباتی طور پر مدد کرنے کے ساتھ ساتھ کم از کم اجرت پر کام کرنے والوں کے ساتھ انصاف کرنے کی درخواست کی۔