نہ بچے تھے نہ ہی شوہر کا ساتھ ۔۔ بوڑھی خاتون، جو موت کے 2 سال بعد تک صوفے پر بیٹھے رہی

ہماری اس دنیا میں ایسے کئی واقعات رونما ہوتے ہیں، جن کا علم تک نہیں ہو پاتا لیکن کچھ جن کا علم ہو جاتا ہے، وہ کافی حیران کن اور خوف کا باعث بن جاتے ہیں۔آج آپ کو ایک ایسی ہی خبر کے بارے میں بتائیں گے۔

اٹلی کے شمالی علاے لومبارڈی میں ایک ایسا واقعہ رونما ہوا ہے جس نے سب کو خوفزدہ کر دیا ہے۔ کومو جھیل کے پاس واقع ایک گھر سے 2 سال پرانی لاش ملی ہے۔ذرائع کے مطابق 70 سالہ خاتون مارینیلا بیریٹا تنہا اس گھر میں رہ رہی تھیں جہاں سے ان کی لاش ملی ہے۔

پولیس ذرائع کے مطابق جمعے کے روز پڑوسیوں کی شکایت پر پولیس گھر میں داخل ہوئی تھی، دراصل 70 سالہ خاتون کے گھر ایک درخت گرا تھا، اسی وجہ سے پولیس کو اطلاع دی گئی تھی۔

لیکن جب پولیس گھر میں داخل ہوئی تو آس پاس کوئی موجود نہیں تھا، اگر کوئی چیز تھی تو صرف مکڑی کے جالے اور دھول مٹی۔

جیسے ہی پولیس گھر میں داخل ہوئی تو یہ دیکھ کر حیران رہ گئی کہ 70 سالہ خاتون کرسی پر بیٹھی ہیں اور جسم خراب ہو چکا ہے، پولیس کا کہنا تھا کہ ابتدائی میڈیکل رپورٹس کے مطابق خاتون کی لاش 2 سال پرانی ہے، جبکہ 2019 کے آخری میں ان کی موت ہوئی ہو۔خاتون کے رشتہ داروں میں سے اب تک کسی نے رابطہ نہیں کیا ہے جبکہ آخری رسومات کی تاریخ بھی اب تک سامنے نہیں آئی ہیں۔