چکر پورے چلاتے ہیں پر شادی ماں کی پسند سے کریں گے۔۔ خوشحال خان کا بیان سوشل میڈیا پر طوفان لے آیا! انٹرویو وائرل

Khushhal Khan Faces Backlash Over Marriage Statement

پاکستانی ڈرامہ انڈسٹری کے ابھرتے ہوئے اسٹار خوشحال خان نے حال ہی میں احمد علی بٹ کے پوڈکاسٹ میں شرکت کی، جہاں ان کے معصوم جواب نے انٹرنیٹ پر ہلچل مچا دی۔

پوڈکاسٹ کے دوران جب احمد علی بٹ نے سوال کیا، آپ رومانٹک ہیں یا فلرٹی؟

تو خوشحال خان نے مسکرا کر جواب دیا، نہ میں فلرٹ کرتا ہوں، نہ کسی سے محبت کرتا ہوں۔ جس لڑکی کو میری ماں پسند کرے گی، میں اُسی سے شادی کروں گا۔ اور بس، ماں کا حکم ہو گا تو شادی ہو گی، ورنہ کوئی چکر نہیں۔ الحمدللہ!

یہ بات سنتے ہی جیسے سوشل میڈیا پر آگ لگ گئی۔

سوشل میڈیا صارفین نے خوشحال کے بیان پر دلچسپ تبصرے کرنا شروع کر دیے۔

کسی نے لکھا، یہ وہ لڑکے ہوتے ہیں جو پوری زندگی ڈیٹ کرتے ہیں اور پھر شادی ماں کی پسند سے کرتے ہیں۔

ایک صارف نے تنقید کرتے ہوئے کہا، یہ سیدھا سیدھا ماما کا لاڈلا ہے، جو ہر فیصلہ ماں سے پوچھ کر کرے گا۔

کسی نے طنزیہ انداز میں لکھا، شادی ماں کی مرضی سے، لڑائی بھی ماں کی مرضی سے، طلاق بھی ماں کے اشارے پر؟

جبکہ ایک صارف نے لکھا، سمجھ نہیں آ رہی کہ سادگی پر داد دوں یا سوچ پر سوال اٹھاؤں؟

کچھ نے تو یہ بھی کہا، یہ پشتون گھرانوں کی خاصیت ہے کہ خواتین بہت طاقتور ہوتی ہیں۔

سادہ بیان، بڑی بحث:

خوشحال خان کا مقصد شاید سادگی اور والدہ کے احترام کا اظہار تھا، مگر سوشل میڈیا پر اس نے ماں کے لاڈلے، کنٹرولڈ شوہر، اور ریڈ فلیگ۔ ،جیسے الفاظ کو ٹرینڈنگ بنا دیا

اب دیکھنا یہ ہے کہ کیا خوشحال خان اس تنقید پر کوئی ردعمل دیتے ہیں؟ یا ان کا نعرہ ہی یہی رہے گا، ماں جو کہے گی، وہی ہوگا۔