بیٹی نے پیٹرول پی لیا تھا، اس وقت میں دھاڑیں مار مارکر رویا ۔۔ خلیل الرحمان قمرکی بیٹی کی ناگہانی وفات کے بعد ان کی کیا حالت تھی؟

معروف پاکستانی اسکرین رائٹر اور ڈائریکٹر خلیل الرحمان قمراپنے دبنگ بیانات کی وجہ سے اکثر خبروں میں دکھائی دیتے ہیں۔

خلیل الرحمان قمر نے ایک پوڈ کاسٹ میں شرکت کی جس میں انہوں نے پہلی بار اپنی بیٹی کی وفات سے متعلق بات کی۔ میزبان نے سوال کیا کہ آپ کبھی روئے ہیں ؟ جس پر خلیل الرحمان نے کہا کہ اپنی بیٹی کی وفات پر میں دھاڑیں مار مار کے رویا تھا۔

خلیل الرحمان نے اپنی بیٹی کی موت سے متعلق کھل کر بتایا۔ انہوں نے کہا کہ میری بیٹی ڈھائی سال کی تھی اور اس نے غلطی سے پیٹرول پی لیا تھا جو میں آپ تک نہیں بھولا۔

ان کا کہنا تھا کہ اس وقت میرے پاس گاڑی نہیں ہوتی تھی بلکہ میں موٹر سائیکل چلاتا تھا۔ خلیل الرحمان نے بتایا کہ میری ایک موٹرسائیکل میں پیٹرول ختم ہوگیا تھا تو میں دوسری موٹرسائیکل میں پیٹرول ڈال رہا تھا اور اس دوران دروازہ بجا۔

میں جب دروازہ کھولنے گیا تو اس دوران میری بیٹی وہاں آگئی اور اسٹیل کے کلاس میں پیٹرول رکھا تھا اور وہ اسے پانی سمجھ کر پی گئی۔ مصنف اور ہدایت کار نے بتایا کہ میری بیٹی پارک سے آئی تھی اور پیاسی ہو رہی تھی تو اس نے وہ پیٹرول پی لیا۔

خلیل الرحمان قمر کا کہنا تھا کہ بدقسمتی سے میں وہاں موجود نہیں تھا ورنہ آج میری بیٹی زندہ ہوتی۔