عدنان صدیقی خواتین سے پہلی بار مل کر ان کے پاؤں کیوں دیکھتے ہیں؟ شو میں دلچسپ انکشاف

Adnan Siddiqui Statement On Women Feet

عدنان صدیقی ایک بہت ہی خوش مزاج شخصیت ہیں۔ وہ ایک کامیاب اداکار اور پروڈیوسر ہیں اور جب بھی وہ ڈرامے میں نظر آتے ہیں تو اپنی جاندار اداکاری سے اسکرین پر چھا جاتے ہیں۔ ان کی سب سے خاص بات یہ ہے کہ وہ ہمیشہ خوش رہتے ہیں اور مذاق کرنے یا کسی بھی مدعے پر بات کرنے میں کبھی ہچکچاتے نہیں۔ حال ہی میں وہ "ہنسنا منع ہے" کے عید اسپیشل میں مہمان بنے تھے۔

عدنان صدیقی سے جب ان کی رومانوی شخصیت اور پسندیدہ کرداروں کے بارے میں سوال کیا گیا، تو انہوں نے مسکرا کر فوراً جواب دیا۔ ان سے یہ بھی پوچھا گیا کہ وہ جب پہلی بار کسی خاتون سے ملتے ہیں تو کون سی خصوصیت کو سب سے پہلے نوٹ کرتے ہیں؟

جس پر عدنان صدیقی نے بڑے دلچسپ انداز میں بتایا کہ، "جب وہ کسی خاتون سے ملتے ہیں، تو سب سے پہلے ان کی پاؤں پر نظر ڈالتے ہیں"۔

انہوں نے کہا کہ انسان کی صفائی اور اس کی شخصیت کا اندازہ پاؤں سے لگایا جا سکتا ہے، اور یہی وجہ ہے کہ وہ جب کسی خاتون سے پہلی ملاقات کرتے ہیں تو ان کے پاؤں کو سب سے پہلے دیکھتے ہیں۔ اس کے بعد وہ ہنستے ہوئے مزید کہتے ہیں کہ ایک اور بات جو ان کے لیے بہت اہم ہے وہ یہ ہے کہ خاتون زندہ ہو!

عدنان صدیقی کی یہ باتیں نہ صرف دلچسپ تھیں بلکہ انہوں نے یہ بھی ثابت کیا کہ وہ اپنی گفتگو میں ہمیشہ مزاحیہ انداز رکھتے ہیں اور لوگوں کو ہنسانے کا کوئی موقع نہیں چھوڑتے۔