انھیں فرق نہیں پڑتا کہ بیوی کس سے ہنس کر بات کررہی ہے.. اسد نے وی لاگ نہ بنانے کے لئے نمرہ کو کیسے منع کیا؟

"فریج کھول رہے ہیں، الماری ٹھیک کررہے ہیں تو بیوی نظر آرہی ہے، اس بات سے کوئی فرق نہیں پڑتا کہ ان کی بیوی کس سے بات کررہی ہے. غیرت نہیں ہوتی. پہلے میں بھی نہیں مانتا تھا کہ فیملی وی لاگ بنانا غلط ہے لیکن اب کہتا ہوں کہ یہ غلط ہے. دوسرے وی لاگرز بھی جانتے ہیں لیکن وہ مانتے نہیں"

یہ کہنا ہے اسد کا جو نمرہ اسد وی لاگز بنانے کی وجہ سے شہرت رکھتے ہیں. حال ہی میں اسد نے دین کی خاطر فیملی وی لاگز بنانے سے توبہ کرلی ہے اور اس حوالے سے انٹرویو دیتے ہوئے کئی سوالوں کے جواب دیے ہیں.

اسد کا کہنا ہے کہ ان کے اہلیہ کو کیمرہ کے سامنے نہ لانے کی بات پر ان کے گھر والے خاص طور پر والد بہت خوش ہوئے. لوگ ان سے کہتے تھے کہ آپ باقی یوٹیوبرز کی طرح دوسرے ملک کی سیر کو کیوں نہیں جاتے تو میں کہتا تھا کہ مجھے دل سے یہ چیز پسند نہیں اور کبھی نہ کبھی اس کو چھوڑ دوں گا.

اہلیہ کے حوالے سے اسد نے بتایا کہ اگرچہ نمرہ پہلے بھی دوپٹہ لیتی تھیں لیکن وہ نمرہ کو خود وی لاگ سے نہیں روکنا چاہتے تھے. جب انھوں نے ان کی تصاویر ڈیلیٹ کرنی شروع کیں تو نمرہ نے بھی خود ہی اپنے سوشل میڈیا سے اپنی تصاویر ہٹا دیں اور اب وہ حجاب لیتی ہیں.