رنبیر نے عالیہ کے لیئے ایسا کیا لیکن۔۔ کرینہ کپور کو سیف علی خان سے کیا شکایت ہے؟ جو آج بھی ان کے دل میں ہے

Kareena Was Upset With Saif For Not Staying With Her At Hospital

بالی وڈ کی مشہور جوڑی کرینہ کپور اور سیف علی خان کی محبت سے ان کے مداح بخوبی واقف ہیں، مگر کیا آپ جانتے ہیں کہ کرینہ کو بھی اپنی زندگی کے اس حسین حصہ میں کچھ شکایات ہیں؟ جی ہاں، کرینہ نے خود اس کا انکشاف کیا ہے۔

حال ہی میں رنبیر کپورنے کرینہ کپور کے شو میں شرکت کی، جہاں انہوں نے اپنی بیٹی راہا کی پیدائش کے دوران کام سے وقفہ لینے اور عالیہ بھٹ کے ساتھ اسپتال میں رہنے کا تجربہ شیئر کیا۔ رنبیر نے بتایا کہ، "بیٹی کی پیدائش سے 2-3 ماہ پہلے ہی میں نے کام سے وقفہ لے لیا تھا اور راہا کی پیدائش پر اسپتال میں ایک ہفتہ عالیہ کے ساتھ گزارا تھا"۔

اس پر کرینہ نے فوراً جواب دیا اور رنبیر کو 'خوبصورت شوہر' کا لقب دے دیا۔ لیکن کرینہ بھی اپنی زندگی کے تجربات سے کچھ نہ کچھ شکوے کیے بغیر نہ رہیں۔ انہوں نے کہا، "سیف نے میرے بیٹوں کی پیدائش پر ایک رات بھی اسپتال میں نہیں گزاری میرے ساتھ"۔

عام خواتین کی طرح کرینہ بھی چاہتی تھیں کہ اس وقت سیف بھی تھوڑا وقت اسپتال میں ان کے ساتھ گزارتے، جیسے رنبیر نے کیا۔