سعود کی عزت اچھال کر شادی خراب کرنا چاہتی ہیں؟ جویریہ سعود کا سنگیتا کو منہ توڑ جواب! کیا کچھ سنا دیا؟

Javeria Saud Reacts To Sangeeta Statement About Saud And Meera Past Affair

حال ہی میں جویریہ سعود نے سنگیتا کو کھری کھری سناتے ہوئے تنقید کا نشانہ بنایا، جس نے عمران اشرف کے شو مذاق رات میں سعود اور میرا کے پرانے تعلقات کو موضوعِ بحث بنایا۔

جویریہ سعود نے انسٹاگرام پر سنگیتا کے نام ایک طنزیہ پوسٹ شیئر کرتے ہوئے لکھا؛

"قابلِ تعریف بات ہے کہ آپ معصومیت کے پردے میں چھپ کر ماضی کے بھولے ہوئے قصے کھود کر ایک باعزت خاندان کے آدمی کی عزت پر داغ لگانے کی فنکاری دکھا رہی ہیں۔ لیکن یہ کہانی ہمارے رشتے کی بنیاد کو ہلا نہیں سکتی، جو محبت اور اعتماد پر کھڑا ہے، اور نہ ہی اس سے سعود کے کردار کو کوئی نقصان پہنچ سکتا ہے۔ سستی شہرت کے لیے کچھ اور آزمائیں۔"

یہ تنازعہ اس وقت شروع ہوا جب چند دن قبل سنگیتا نے ٹی وی شو مذاق رات میں سعود اور میرا کے تعلقات کی تصدیق کی۔ اور بتایا کہ، میں ایک فلم کی ہدایت کاری کر رہی تھی جس میں سعود بھی شامل تھے، مگر وہ سیٹ پر نہیں آئے۔ میں بہت غصے میں ان کے گھر پہنچی، جہاں میرا لانڈری میں چھپی ہوئی تھی اور وہ نہیں چاہتی تھی کہ سعود سیٹ پر آئیں کیونکہ انہیں ریشم پسند نہیں تھی، جو فلم میں ان کے ساتھ کام کر رہی تھی۔ میں نے میرا کو تھپڑ مارا اور سعود کو شو کے لیے لے گئی۔

یہ صورتحال سوشل میڈیا پر مداحوں کی دلچسپی کا مرکز بن گئی ہے اور دونوں اسٹارز کے درمیان ہونے والے اختلافات پر بحث زور پکڑ گئی ہے۔