میں بولتی رہی مجھے نہ چھوڑو، بچے ہیں مگر ۔۔ عصمت زیدی کے شوہر نے انہیں طلاق کیوں دی؟ بتاتے ہوئے آبدیدہ

پاکستانی شوبز انڈسٹری کی باصلاحیت اداکارہ عصمت زیدی نے حال ہی میں ایک انٹرویو میں اپنی طلاق اور بچوں کی پرورش سے متعلق بات کی۔

عصمت زیدی نے اپنی طلاق کے حوالے سے بات کرتے ہوئے کہا کہ، میرے شوہر کو دوسری لڑکی مل گئی تھی تو انہوں نے مجھے طلاق دے دی۔ میں ان سے کہتی رہی کہ بچیاں بڑی ہورہی ہیں ان پر اثر ہوگا، آپ کو جو کرنا ہے کریں لیکن مجھے مت چھوڑیں، مگر اس لڑکی کے کہنے پر انہوں نے میری ایک نہ سنی اور طلاق دے دی۔

عصمت زیدی نے کہا کہ، شادی کے 23 سال بعد جب رشتہ ٹوٹا تو میں یہ سوچنے لگی کہ مرد مخلص نہیں ہوتے۔

اپنے بیٹے کے خیالات بتاتے ہوئے عصمت کا کہنا تھا کہ، وہ کہتا ہے کہ لوگ شادی ہی کیوں کرتے ہیں جب اتنے سال ساتھ رہنے کے بعد طلاق ہی دینی ہوتی ہے تو، اسی وجہ سے وہ شادی نہیں کرنا چاہتا تھا اور اب 40 سال کی عمر میں اس نے شادی کی ہے۔

اداکارہ کے مطابق، مجھے پیسوں کا مسئلہ نہیں تھا اور میں نے پھر دوسری شادی بھی نہیں کی اور اپنی ساری توجہ بچوں کی پرورش پر مرکوز کر دی۔

عصمت زیدی نے اپنا تجربہ بتاتے ہوئے آخر میں نوجوان لڑکیوں کو مضبوط بننے کا مشورہ بھی دیا۔