کورین خواتین کی اسکن کا راز ۔۔ جانئے 2 منٹ میں انتہائی چمکدار اور گوری جلد کیسے حاصل کی جائے؟

آج کل انٹرنیٹ پر خواتین کورین اسکن کئیر روٹین کافی شوق سے دیکھتی ہیں اور خواہش کرتی ہیں کہ ان کی اسکن بھی ایسی ہوجائے، اگر آپ واقعی میں کورین اسکن کیئر کے معمولات پر عمل کرنا چاہتی ہیں تو یہ ریمیڈی خاص آپ کیلیئے ہی ہے۔

کورین خواتین عام طور پر خوبصورت جلد کی حامل ہوتی ہیں، جو قدرتی طور پر گوری، تازہ اور چمکدار ہوتی ہے اور اس کی بنیادی وجہ ان کی جلد کی دیکھ بھال کے بہت سے معمولات میں چاول کا استعمال ہے۔ اسلیئے آج ہم چاول کا سب سے مؤثر طریقہ آپ کے ساتھ شیئر کریں گے۔

چاول کا ماسک بنانے کے لیے آپ کو ان اجزاء کی ضرورت ہوگی۔
۔ ½ کپ کچے چاول
۔ 2 سے 3 کپ پانی

عمل کرنے کا طریقہ:

۔ ایک صاف پیالے میں ½ کپ چاول لیں، اور اسے اچھے سے صاف کرکے پانی سے دھو لیں
۔ اب اس چاول کو 2 سے 3 کپ پانی میں بھگو دیں، اور 2 دن کیلیئے چھوڑ دیں
۔ 2 دن کے بعد اس پانی کو چھان لیں، آپ کا خمیر شدہ چاول کا پانی استعمال کے لیے تیار ہے
۔ خمیر شدہ چاول کا پانی، ابلے ہوئے چاول کے پانی سے زیادہ طاقتور ہے

استعمال کا طریقہ:

۔ سب سے پہلے 1 چمچ اس خمیر شدہ پانی کا لیں اور اس میں 1 چمچ سادہ پانی ملا کر پتلا کرلیں، اب صاف روئی کو اس میں ڈبو کر اس پانی کو پورے چہرے پر لگائیں
۔ اسے اپنے چہرے پر 20 سے 25 منٹ تک لگا رہنے دیں اور پھر منہ دھولیں
۔ آپ اس چاول کے پانی کو 1 ہفتے تک فریج میں رکھ سکتے ہیں
اس ریمیڈٰی پر عمل کرکے آپ انتہائی خوبصورت چمکدار کورین اسکن حاصل کرسکتے ہیں۔